ክርስቶሳር የዝ ፐትፐተ
1 ይኬ፥ ጎዳይ ግሾስ አጭንቴዝ ታኒ፥ ይ ጼግንቴዝ ጼግንትይድ ቤዝዛ የስ የዞዳይ ጋርክ ይንታን ዎስዛ። 2 ይ ኡባ ዎደ አዳኔ ሃዮ ማቆይታ፤ ፐታይ ፐታ ዳንዳኦይታኔ ሲቆር የዞይታ።4:2 ቆላ. 3:12-13 3 ሳሮትር አጭንቲ አያና ፐትፐተ ናጎዳይስ ሚንጎይታ። 4 ጾሲ ይንታን ጼጌዝ ዎደ ፐቲ ኡፋይሳስ ጼጌዛይ ጋርክ ፐቲ አሰትኔ ፐቲ አያና የዛ። 5 ፐቲ ጎዳ፥ ፐቲ አማኖኔ ፐቲ ጽንቃተ የዛ። 6 ኡባፕ አይ፥ ኡባይር ኦዛይኔ ኡባይ ጋንጨ የዝዝ ፐቲ ጾስ፥ ኡባይስ አደ የዛ።
7 ዝን ክርስቶሳ እንጎዳይስ ኮዬዝ እሞታይ ጋርክ ኑ ፐታይስ ፐታይስ ኣ ኬሃት እንግንቴዛ። 8 የይ ግሾስ፥ ጾስ ቃላይ፥
«ኤ ኡዴ ከዜዝ ዎደ
ድኢ ጋምታ ፓር ኤኪ ቅቴዛ፤
አሳይስካ እሞትታ እንጌዛ»
ዬግዛ።4:8 ማዝ. 68:18 9 የዝን፥ «ኡዴ ከዜዝ» ጉሳይ ኤ ቲና ሱለ፥ ሳአ ዝቃ አቆ ዎዛ ጉስ ማቃም እጽኮ አብ ጉሶ? 10 Ꮊ ሱለ ዎዛይ፥ ኡባ ኩንዳይስ ኡባፕ ቃ ሳሎ ከዜዛይ ኤዛ።
11 ኤ ፐትታ ፐትታ ሀዋረ፥ ፐትታ ፐትታ ናበ፥ ፐትታ ፐትታ ዎንግለ ሳባክታ፥ ፐትታ ፐትታ ዎሳ ካራ አቅስዝታኔ አስታማርታ ማቃዳይ ጋርክ እሞታ እንጌዛ። 12 ኤ የያ ኡዴዛይ ክርስቶሳስ አሰት ማቄዝ ዎሳ ኬ ድቾዳይስኔ አማንዛ አሳ ጾስ ኦሶስ ጊግሶዳይሲ። 13 የይ ጋርከካ፥ ኑ ኡባይ ጾስ ናአ ኤሪ አማኖር በንትዝ ፐትፐተኮ ሄሊ፥ ክርስቶሳ አያና ደኦ ኩንትይኮ ሄሊ ፎሎ አስ ማቂ ድጮዳይ ጋርከሲ።
14 ይከፕ ጉየ፥ አሳይ ዶሻ ገነር ማቄዝ ባልዛ ዎርዶ ትምርተ ጫርኮራኔ አባ ጎተራ ገደኔ Ꮊና ኩሎ ካእዛ ዱድታይ ጋርክ ማቆዳይስ ቤዞያ። 15 ዝን ኑኒ ቱማና ሲቆር ኦድታር ኡባ ባዛር አሰትስ ኩስተ ማቄዝ ክርስቶሳኮ ድጮዳ። 16 ኩን አሰትይ ክርስቶሳር አይክንትዛ ማ ዱማ ዱማ አሰት ብልትታይ ፐታይ ፐታይር አይክንቲ በቴዛ። ፐቲ ፐቲ አሰት ክፍላይ ፋ ኦሶ ኦዳር ኩን አሰትይ ሲቆር ሚንጎዳይ ጋርክ አሰት ድችዛ።4:16 ቆላ. 2:19
ክርስቶሳር ኦሮ የስ
17 Ꮊይፕ ገደ ካሃ ብን ጨረ ቆፋር አማኖዋ አስ ጋርክ የዝፓተ፥ ታኒ Ꮊያ ይንትስ ጎዳይ ሱንይር ኦድዛኔ ማርካትዛ። 18 ኡ ቆፋይ ሜዛ፤ ኡ ፋ ዎዝና ሙምሴዛ። ኡንቲ ኤረት ቦራኔ እጾራ ጾሲ እንግዛ ደአይፕ ሃኬዛ። 19 ኡንቲ ዬላ ግዝባዝ ኤሮዋ፤ ኡንቲ ቱና ኦሶ ኡባ ፖሎዳይስ ዥምባሮስኔ አሾ አሞስ ፋና ኣ እንጌዛ።
20 ዝን ይ ክርስቶሳ ባጋ ታማሬዛይ የይ ጋርክ ኦገር ባያ። 21 ኤ ባዝ ቱማ ስኤዛ። ማ የሱሳር የዝ ቱማ ይ ኤፕ ታማሬዛ። 22 ይ ቲና የዜዝ ኦጋ አሾይታ። ማ ዶሺ አሞር ብስዛ ይ ጭማ አ ቃሪ ኦሎይታ።4:22 ቆላ. 3:9 23 ይ ዎዝና ቆፋይር ኦሮጾይታ። 24 ቱማ ጽሎትራኔ ጌሸትር ጾስ ኣዝሶር መንቴዝ ኦሮ አሰት ማኦይታ።4:24 መ. 1:26፤ ቆላ. 3:10
25 ይክ፥ ዎርዶ ኦድንትፓተ። ኑኒ ኡባይ ክርስቶሳ አሰት ብልትታ ማቄዝ ግሾስ አስ ኡባይራ ቱሮ ኦድንቶዳ።4:25 ዛክ. 8:16 26 ጋይልንቶይታ ዝን ይ ጋይላይር ናጋራ ኦፓተ። ይ ጋይልንቲ የዝን አዋ ይንታል ገልፐ።4:26 ማዝ. 4:4 27 ዳቡሎሳስ ኦገ ዶይፓተ። 28 ካስትዛ አይ ይከፕ ጉየ ካስትፐ። ዝን ማንቅታ ማድዛ ባዝ ኤስ የዞዳይ ጋርክ ፋ ኩሸር ሎኦ ባዝ ኦ።
29 ይ ዶናይፕ ኢታ ቃላ ከዝፐ። ዝን ስእዝታይስ ማዶዳይ ጋርከኔ Ꮊንክታ ምንስ ኮሽዛ ሎኦ ቃላ ይ ዶናይፕ ከዞ። 30 ጾሲ ይንታን ዎዜዛና ኤርሶዳይስ የ ጋላስስ ይንታናል አታሚ ጋዴዝ ጾስ አያና አዛንፓተ። 31 ጫንግንቶ፥ ይሎ፥ ካቺ፥ ኡፎ፥ ጫሸኔ ኢታት ኡባ ይንትፕ ሃክይታ። 32 አ ዎልስ ኬሃኔ ቃንትዝታ ማቆይታ። ጾስ ክርስቶሳ ባጋር ይንትስ አቶ ጌዛይ ጋርክ ይንትካ ዎልስ አቶ ጎይታ።4:32 ቆላ. 3:13