Hebreus 1

ናአይ ኪታንችታይፕ ኣ

1 ብኒ ብንኮ ጾስ፥ ኑ አድታይስ ናብታይ ባጋር ዱማ ዱማ ኦገር ጋመ ዎደ ኦዴዛ። 2 ዝን Ꮊ ዉርስ ዎደ ኡባ ባዝ ኤዛ ላትሴዝ፥ ማ አላማካ ኤ ባጋር መዝ ፋ ናአይ ባጋር ኑስ ኦዴዛ። 3 ናአይ ጾስ ቦንቾ ፖጭኔ ሀናይር ሙመር ጾስ ኣዚ ኩን ጾስ ጾሳት ኤኪ፥ ፋ ማዉተ ቃላይር Ꮊ አላማ ሚን አይኬዛ። አሳ ኡ ናጋራይፕ ሻግሼዛይፕ ጉየ ኡባፕ አፋ ጾስ ኡሻች ሳሎ በቴዛ።

4 ኤስ እንግንቴዝ ሱንይ ኪታንችታይ ሱንይፕ ኣ ማቄዛይ ጋርክ ኤ ኡንታፕ ሎእ ኣዝ ግሾሲ። 5 ይኬ፥ ጾስ ኪታንችታይፕ ኦኮ፥

«ኔኒ ታ ናአ፤

ታ Ꮊይኖ ኔስ አደ ማቄዛ» ዬጌኔ?

ዎይ ኦኮ፥

«ታኒ ኤስ አደ ማቆዳ፤

ኤካ ታስ ናአ ማቆዳ» ዬጌኔ?✝1:5 ማዝ. 2:7፤ 2ሳም. 7:14፤ 1ዜና. 17:13

6 ማ ጾሲ ፋ ባይራ ናአ Ꮊ አላመ ኪትታር፥

«ጾስ ኪታንችታይ ኡባይ ኤስ ጎይኖ»

ዬጌዛ።✝1:6 ናምእ. 32:43 7 ጾስ ኪታንችታይ ባጋ ኦድታር፥

«ጾሲ ፋ ኪታንችታ ጫርክታ፥

ፋ አይልታ ታማ ላ ኡድዛ»

ዬግዛ።✝1:7 ማዝ. 104:4 8 ዝን ፋ ናአይ ባጋ ኦድታር፥

«ጾሶ፥ ነ ካተትይ መናስ የዝዛ።

ነ ካተት ነ ጽሎትር አቅሶዳ።✝1:8-9 ማዝ. 45:6-7

9 ኔኒ ጽሎት ዶሴዛ፤ ኢታት እጼዛ።

ጾሳይ፥ ነ ጎዳይ፥ ነና ነ ዣምታይፕ ኣ ዶሬዛ፥

ኡፋይስ ዛይተ*1:9 ኡፋይስ ዛይተ፦ ኤ ካዉትዛ ዎደ አሳይ ኡፋይሳር እልሊ ኤዛ ካዉትስዛ ቤዝዛ። ነና ትዤዛ»

ዬግዛ።✝1:9 ማዝ. 61:1፥ 3 10 ጾሲ ማሂ፥

«ጎዳዮ፥ ቲና ኔኒ ሳአ መዛ፤

ሳልታይ ነ ኩሸ ኦስታ።

11 የይትታይ ኡባይ ቦዳ፤

ዝን ኔኒ የዞዳ።

ኡንቲ ኡባይ አፍላ ጋርክ ዉሮዳ።

12 ኔኒ ኡንታን ሳልነ ጋርክ ጻጾዳ፤

ማ ኡንቲ አፍላ ጋርክ ላምንቶዳ።

ዝን ኔኒ ኡባ ዎደ ነና፤

ነ ላይታይስካ ዉርስ ባያ»

ዬግዛ።✝1:10-12 ማዝ. 102:25-27 13 ዝን ጾሲ ኪታንችታይፕ ኦኮ፥

«ታኒ ነ ሞርክታ ነ ቶካይ

የዝ አቆ ኡዶድ ሄሎዳይስ፥

Ꮊይዳ ታፕ ኡሻች ባጋር በቶባ» ዬጌኔ?✝1:13 ማዝ. 110:1

14 ኪታንችታይ ኡባይ አቶት ደንጎዳይስ የዝ አስታ ማዶዳይስ ጾስ ኪቴዝ አያንታ ባሳኔ?