ዳማ አቶት
1 የይ ግሾስ፥ ኑኒ ስኤዝ ቱማይፕ ሀራ ባዝ ኑና ኤካማይ ጋርክ የ ኑ ስኤዛና ሚን ናጎዳይስ ቤዝዛ። 2 ይኬ፥ ኪታንችታይ ባጋር ኦድንቴዝ ቃላይ ቱማ ማቅኮ፥ ኤዛ ለቆኔ ኪትንታም እጻይ ፕርዳ ክእዛባዝ ማቅኮ፥ 3 የዝን፥ ኑኒ Ꮊይ ጋርክ ግታ አቶት እጽኮ፥ ዋይዚ ቡቲ አቶዴ? ቲና ጎዳይ ፋ ኦማስ የ አቶት ኦዴዛ፤ ማ ኤፕ ስኤዝታይ ኑስ ጌሺ ማርካቴዛ። 4 ማ ጾሲ ማልታይር፥ ኦሮባዝታይር፥ ዱማ ዱማ ማላ ባዝታይዳኔ ፋ ሸነ ጋርክ እንጌዝ ጌሻ አያና እሞትታይር ማርካት ሚንዛ።
የሱሳ አስ አቶትስ ኩስተ
5 ጾሲ Ꮊ ኑኒ ኦድዛ ቲናፕ የኦድ አላማ፥ ኪታንችታይስ ሞድሰካያ። 6 ጌሻ ማጻፋይ ፐቲ አቆ Ꮊይ ጋርክ ዬግዛ፦
«ኔኒ አስስ ቆፖዳይስ አስ ናአ አባ ባዞ?
ዎይ ኔኒ ኤዛ ናጎዳይስ አስ ናአ አባ ባዞ?2:6-8 ማዝ. 8:4-6
7 ነ ኤዛ ኪታንችታይፕ ጽቃር ላፍዛ፤
ኤ ኦማይል ቦንቾኔ ጋላታ ዛዉደ ጋዴዛ።
8 ማ ኡባ ባዝ ኤ ቶኬ ኦሞ ጋዴዛ»
ዬግዛ። ጾሲ ኡባ ባዝ ኤስ ሞድሴዝ ዎደ ኤስ ሞድንቴካ አብካ ባያ። ዝን Ꮊት ኡባ ባዝ ኤስ ሃርንቶዳር ኑኒ ሀጋ በኤካያ። 9 ዝን ኑኒ ኪታንችታይፕ ጽቃር ላፌዛ የሱሳ ጾስ ኣ ኬሃትይፕ ደንዴዛይድ የሱሳ አስ ኡባይስ Ꮊይቄዛ። ኤ ዋየ Ꮊይቆ Ꮊይቄዝ ግሾስ ቦንቾኔ ጋላታ ዛዉደ ኤ ኦማይል ጋድን በአዳ። 10 ኡባ ባዝ ኤፐኔ ኤስ መንቴዛይ፥ ጋመ ናእታ ፓር ቦንቾኮ ኮኦዳይስ ኡንትስ አቶት ኩስተኔ ዋዬር ፎሎ ማቃዳይ ጋርክ ኦዳይስ ኤስ ቤዝዛ።
11 የሱሳኔ Ꮊ ኤ ጌሼዝ አሳይ ኡባይ ፐቲ አዳይ ናእታ። የሱሳ ኡንታን፥ «ታ እሹን» ግ ጼጎዳይስ ዬላተካዛይ የይሲ። 12 የሱሳ፥
«ታኒ ነ ሱን ታ እሽታይስ አዋጆዳ፤
ዎያ ጋንጨ ነና የር ጋላቶዳ»
ዬግዛ።2:12 ማዝ. 22:22 13 ማ ኤ፥ «ታኒ ኤዛል አፋ አማንቶዳ» ዬግዛ። ማካ፥ «ታኔ ጾሲ ታስ እንጌዝ ናእታይር ታ Ꮊይዳ የዛ» ዬግዛ።2:13 ኢሳ. 8:17-18
14 ይኬ ናእታይ አሾኔ ሱ የዝታ ማቄዝ ግሾስ የሱሳካ ኡ ጋርክ አስ ማቄዛ። ኤ የያ ኡዴዛይ፥ Ꮊይቆል አፋ ዎልቃ የዝ ጻላሄ ፋ Ꮊይቃይር ሻሮዳይሲ። 15 ማ ፋ የዛ ላይ ኡባይድ Ꮊይቆስ ያሻር አይልቲ የዝታ አይለትፕ ዎዞዳይሲ።
16 የሱሳ የኤዛይ አፍራመ ዘረ ማዶዳይሳፕ አትን ኪታንችታ ማዶዳይስ ባያ።2:16 ኢሳ. 41:8-9 17 አስ ናጋራስ ያርሽንቶዳይስ ጾስ ቲና ማርዛኔ አማንንቴዝ ቄሰ ሀላቃ ማቄዛ። የይ ግሾስ፥ ኤ ኡባ ባዛር ፋ እሽታ ኣዞዳይስ ቤዝዛ። 18 ኤ ፋ ኦማስ ፓጭንት ዋየ ኤኬዝ ግሾስ ፓጭንትዝታ ማዶዳይስ ዳንዳእዛ።