Hebreus 8

6 Ꮊት ማቅኮ የሱሳ ጋንጨ ገሊ ዳቦዛ ቃላ ጫቃይ፥ ቲና ቃላ ጫቃይፕ ኣዛይ ግሾስ ኤ ኤኬዝ ኦሳይ ኡንቲሳይፕ ኣዛ። የይ ኤቄዛይ ኣዝ ኡፋይስ ቃላይዳ።

7 ቲና ቃላ ጫቃይድ ቦሮ ባ ማቄዛኮ ናምእን ቃላ ጫቆ ኮሾያ። 8 ዝን ጎዳይ ኤዛ ቦሪ፥ Ꮊይ ጋርክ ዬጌዛ፦

«ታኒ እስሬለ አሳይራኔ ይሁዳ አሳይራ

ኦሮ ቃላ ጫቆ ጫቂዛ ዎደ የኦዳ።✝8:8-12 ኤርም. 31:31-34

9 የ ቃላ ጫቃይ ታ ኡ አድታይ ግብጸ ቢታፕ ኩሸ አይኪ፥

ጎቺ ከሴዝ ዎደ ኡንታር ጫቄዝ ጫቃይ ጋርክ ባያ።

ጎዳይ ኡንቲ ታ ጫቃይድ አማንንተካዛይ ግሾስ

ታኒ ኡንታን ኦሊ አሼዛ ዬግዛ።

10 ዝን ይከፕ ጉየ እስሬለ አሳይራ

ታ ጫቆድ ጫቃይ Ꮊያ ዬግዛ ጎዳይ።

ታኒ ታ ህጋ ኡ ካሃይድ ጋዶዳ፤

ኡ ዎዝናይዳካ ጻፎዳ።

ታኒ ኡ ጾሳ ማቆዳ፤

ኡንትካ ታ ወያ ማቆዳ።

11 ኡንታፕ ኦንካ ፋ ሾራ ዎይ ፋ እሻ፥

‹ጎዳ ኤሮባ› ዬጊ ታማርሳሚ።

ኡንቲ ጽቃፕ ዳማ ሄሎዳይስ

ኡባይ ታና ኤሮዳ።

12 ታኒ ኡ ናቃ አቶ ጎዳ፤

ኡ ቆሃ ማሂ ቆፓሚ»

ዬግዛ።

13 ጾሲ Ꮊ ጫቃ «ኦሮ ቃላ ጫቆ» ጉሳይ ቲናሳ ጭማ ማሄዛ። ይኬ፥ ጭማይኔ ጬጋይ ብዛ ዎደ ሄሌዛ።