የሱሳል ቶቤዛ
(ማር. 14:1-2፤ ሉቃ. 22:1-2፤ ዋን. 11:45-53)
1 የሱሳ Ꮊ ትምርታ ኡባ ዉርሴዛይፕ ፋ ታማርታይኮ፥ 2 «ናምኢ ጋላሳፕ ጉየ፥ ፓዝቃ ባለ ቦንችዛ ጋላስ ማቅዛና ይ ኤርዛ። የ ጋላስ አስ ናአይ ማዝቃለል አፋ ሶትንቶዳይስ አስ ኩሸ ኣ እንግንቶዳ» ዬጌዛ።26:2 ከስ 12:1
3 የ ዎደ ቄሰ ሀላቅታይኔ ጋደ ጭምታይ፥ ቃያፋ ግዝ ቄሰ ሀላቃይ ካራ ሺቂ፥ 4 አሲ ኤረካዝን የሱሳ አይኪ፥ ዎዳይስ ቶቤዛ። 5 ዝን ኡንቲ፥ «አሳይ ጫቦታማይ ጋርክ ግ፥ ፓዝቃ ቦንችዛ ጋላስ የያ ኦሚ» ዬጌዛ።
የሱሳና ሽቶ ትዤዝ አስቶ
(ማር. 14:3-9፤ ዋን. 12:1-8)
6 የሱሳ ብታና ካታማ ጋንጨ ቦርቆንቶ ሀርገር የዝ ስሞና ካራ የዛ። 7 የሱሳ ሙንትታል የዝን ፐቲ አስታ አልባስጽሮሳ ብልጋጸ ኩን ጋመ አልኦ ሽቶ ኤኪ ይኢ የሱሳ ኦማይል ቆሌዛ።26:7 ሉቃ. 7:37 8 ዝን የሱሳ ታማርታይ የያ ብኢ ካጭንቲ፥ «Ꮊ ሽታ ጨረ ኢስዛይ አብሶ? 9 Ꮊ ሽታይ አልኦ ዋጋር ባይዝንቲ፥ ሚሻይ ማንቅታይስ እንግንቶዳይስ ዳንዳእንትዛዝን» ዬጌዛ።
10 የሱሳ ኡንቲ ጌዛና ኤሪ፥ ኡንትኮ፥ «Ꮊ አስቶ አብስ ዋይ? እዛ ታስ ሎኦ ባዝ ኦዛ። 11 ማንቅታይ ኡባ ዎደ ይንታር የዞዳ። ዝን ታኒ ይንታር ኡባ ዎደ የዛሚ።26:11 ናምእ. 15:11 12 እዛ Ꮊ ሽታ ታል አፋ ቆሌዛይ ታና ሞጎስ ጊግሴዛ። 13 ታኒ ይንትስ ቱሮ ኦድዛ፤ ቢታ ኡባይል Ꮊ ዎንግላይ ሳባክንትዛ አቆ አባ ማቅኮካ፥ አሳይ እዝስ ቆፕሶ ማቃዳይ ጋርክ ኦድንቶዳ» ዬጌዛ።
ይሁዳ የሱሳና ኣ እማዳይስ ጊግንቴዛ
(ማር. 14:10-11፤ ሉቃ. 22:3-6)
14 የ ዎደ ታጶ ናምኢ የሱሳ ታማርታይፕ ፐታይ፥ አስቆሮንቶ ይሁዳ ግንትንትዛይ ቄሰ ሀላቅታይኮ፥ 15 Ꮊንጊ፥ «ታኒ ይንትስ የሱሳ ኣ እንግኮ፥ ይ ታስ አብ እማዴ?» ዬጊ ኡንታን ኦይጬዛ።26:15 ናምእ. 11:12 ኡንቲ ቶቢ ሀስታም ብራ26:15 ብራ ሳንተ፦ አኮካ ጉዥንተካ ጌሽ ብራ ጉሲ።26:15 ሀስታም ብራ ሳንተ፦ ሀስታም ብራ ሳንትፈ እስሬለ ቢታ አይለ ዎንግትዛኔ ባይዝንትዛ ጋቴ። እንጌዛ። 16 የይፕ ጉየ፥ ይሁዳ የሱሳ ኣ እማዳይስ ጊጋ ጋላስ ኮይዛ።
የሱሳ ፓዝቃ ካሆ ፋ ሀዋርታይር ሜዛ
(ማር. 14:12-21፤ ሉቃ. 22:7-14፥ 21-23፤ ዋን. 13:21-30)
17 ቦራ ባለ ቦንችዛ ቲና ጋላስ፥ የሱሳ ታማርታይ ኤዝኮ ይኢ፥ «ፓዝቃ ቦንችዛ ጋላስ ኔኒ ማድ ካ ኑኒ አባ ማኮ?» ዬጌዛ።
18 የሱሳ ኡንትኮ፥ «ካታማ ይ ገሎዳር ሄሌዝ አይኮ Ꮊንጊ፥ ‹አስታማራይ፥ ታስ ዎደ ሄሌዝ ግሾ ታ ታማርታይር ፓዝቃ ቦንችዛ ጋላሳ ነ ካራ ኣዳ ዬጌዛ› ጎይታ» ጌዛ።
19 ኤ ታማርታይ የሱሳ ኪቴዛይ ጋርክ ኡዲ፥ ፓዝቃ ባለ ጋላስ ማድ ካ ጊግሴዛ።
20 ሳአይ ኦማዳር የሱሳ ታጶ ናምኢ ሀዋርታይር ካ ማዳይስ በቴዛ። 21 ኡ ማዳር፥ የሱሳ ኡንትኮ፥ «ታኒ ይንትስ ቱሮ ኦድዛ፤ ይንታፕ ፐታይ ታና ኣ እማዳ» ዬጌዛ።
22 ኡ ኢታ ዳጋሚ፥ ኦማር ኦማር፥ «ጎዳዮ፥ ቱሮ ታናሻ?» ግ ኤዛ ኦይጬዛ።
23 የሱሳ ማሂ፥ «ፋ ኩሻ ታር ዎላ ፍልኦ ጋንጨ ዳክዛይ ኤ ታና ኣ እማዳ።26:23 ማዝ. 41:9 24 አስ ናአይ፥ ጾስ ቃላይድ ኤዝስ ጻፍንቴዛይ ጋርክ Ꮊይቆዳ። ዝን አስ ናአ ኣ እንግዛ አ አየ፤ የ አይ የልንተካ አቴዛኮ ኤዝስ ሎኦዝን» ዬጌዛ።
25 ኤዛ ኣ እማዳይስ የዝ ይሁዳ ማሂ፥ «አስታማራዮ፥ ነ ግዛይ ታናኔ?» ዬጌዛ።
የሱሳ ማሂ፥ «ነ ጌዛይ ጋርክ» ዬጌዛ።
ጎዳይ ካሆ
(ማር. 14:22-26፤ ሉቃ. 22:15-20፤ 1ቆሮ. 11:23-25)
26 ኡንቲ ማዳር፥ የሱሳ ቦራ ኤኪ ጾሳ ጋላቴዛ። የ ቦራ ባጺ ፋ ታማርታይስ እንጊ፥ «Ꮊሽቴ፥ ሞይታ፥ Ꮊይ ታ አሾ» ዬጌዛ።
27 ጹአ ኤኪ፥ ጾሳ ጋላቴዛ። ኡንትስ እንጊ፥ «ኡባይ Ꮊይፕ ኡዦይታ። 28 Ꮊይ ጋመ አሳይ ናጋራይ አቶ እንትንቶዳይ ጋርክ ጎግዝ ኦሮ ታ ጫቆ ሱ።26:28 ከስ 24:8፤ ኤርም. 31:31 29 ዝን ታኒ ይንትስ ኦድዛ፤ ታኒ ታ አዳይ ካተት ኦሮ ዎይነ ኡሽ ይንታር ኡዦድ ጋላሳ ሄሎዳይስ Ꮊንፕ ገደ Ꮊ ዎይነ ኡሻ ኡዣሚ» ዬጌዛ።
30 ጋላታ ማዝሙረ የጼዛይፕ ጉየ ደብረ ዛይተ አምባል ቅቴዛ።
የሱሳ ጵጽሮሳ ካዶዳና ቲናቲ ኦዴዛ
(ማር. 14:27-31፤ ሉቃ. 22:31-34፤ ዋን. 13:36-38)
31 የ ዎደ የሱሳ ኡንትኮ፥
«‹ጾሳይ ሄንግዛና ሾጮዳ
ዱርታይካ ላልንቶዳ›
ግንትንቲ ጾስ ቃላይድ ጻፍንቴዛይ ጋርክ Ꮊይኖ ቃማ ይ ኡቢታይ ታል ብንቶዳ።26:31 ዛክ. 13:7 32 ዝን ታኒ Ꮊይቆፕ ደንዴዛይፕ ጉየ ይንትፕ ቲናቲ ጋልላ Ꮊማዳ» ዬጌዛ።26:32 ማቶ. 28:16
33 ጵጽሮሳ ማሂ፥ «ኡንቲ ኡባይ ነና አሺ ብኮካ፥ ታኒ ነና አሻሚ» ዬጌዛ።
34 የሱሳ ጵጽሮሳኮ፥ «ታኒ ኔስ ቱሮ ኦድዛ፤ Ꮊይኖ ቃማ ሹጉላ ኡኮዳይፕ ቲና ኔኒ ታና ሀይ ቶኬ ካዶዳ» ዬጌዛ።
35 ጵጽሮሳ ማሂ፥ «ታኒ ኔር ዎላ Ꮊይቆፕ አትን ነና የሻ ካዳሚ» ዬጌዛ።
Ꮊንኮ ኤ ታማርታይ ኡቢታይካ Ꮊይ ጋርክ ጌዛ።
የሱሳ ጌተሰማነ ግዝ አቆ ዎሴዛ
(ማር. 14:32-42፤ ሉቃ. 22:39-46)
36 ኤዛይፕ ጉየ፥ የሱሳ ፋ ታማርታይር ጌተሰማነ ግዝ አቆ Ꮊንጊ፥ ኡንትኮ፥ «ታኒ ሰንዳይድ Ꮊንጊ ጾስ ዎሶዳ፥ ይ Ꮊይዳ በቶይታ» ዬጌዛ። 37 ጵጽሮሳኔ ዛብዶሳ ናአ ናምእታ ፓር ኤኪ Ꮊንጊ አዛኖኔ ይሎ አይኬዛ። 38 ማካ ኡንትኮ፥ «ታኒ Ꮊይቆድ ሄሎዳይስ አዛኔዛ። Ꮊይዳ ጋምኦይታኔ ባርኪ ናጎይታ» ዬጌዛ።
39 ጽቃ ቲናል Ꮊንጊ ቢታል ፋ ስናይር ጹጉኒ፥ «ታ አዳዮ፥ ዳንዳእንትዛ ባዝ ማቅኮ Ꮊ መቶ ጹአይ ታፕ ኣ። ዝን ነ ሸነ ሀኖፕ አትን ታ ሸናይ ሀንፐ» ዬጊ ጾሳ ዎሴዛ።
40 የሱሳ ፋ ታማርታይኮ ማቂ ይኢ ኡንቲ ገንቴዝን ደንጊ፥ ጵጽሮሳኮ፥ «ይንቲ ፐቲ ሳተዛኮኔ ገንተካዛር ታር ምንጎዳይስ ዳንዳኤካሳ? 41 ፓጨ ጋንጨ ይ ገላማይ ጋርክ ባርኪ ናጎይታኔ ጾሳ ዎሶይታ። አያናይ እንግንቲ የዝን አሾ ዳቡሬዛ» ዬጌዛ።
42 የሱሳ ማ ናምእን Ꮊንጊ ዎሲ፥ «ታ አዳዮ፥ ታኒ Ꮊ መቶ ጹአይፕ ኡዠካዝን ኣዳይስ ዳንዳእንቶዋ ባዝ ማቅኮ ነ ሸናይ ሀኖ» ዬጊ ጾሳ ዎሴዛ። 43 ማካ ማቂ የኦዳር ኤ ታማርታይ ገንታ ጋምን፥ ዎይኤዝን ደንጌዛ።
44 ማካ ኡንታን አሺ Ꮊንጊ፥ ቲና ጌዝ ቃላቶ እዞ ማሂ ሃይን ዎሴዛ። 45 የይፕ ጉየ፥ ፋ ታማርታይኮ ይኢ፥ «Ꮊኖ ሄሎዳይስ ገንታላኔ ሸምፖል የኔ? ይኬ ገንቶይታ። ይኬ፥ አስ ናአይ፥ ናጋራ ኦዝታይ ኩሸ ኣ እንግንትዛ ሳታይ ሄሌዛ። 46 ደንዲ የይታ፥ ታና ኣ እንግዛይ Ꮊይሼ ሄሌዛ» ዬጌዛ።
የሱሳ ሞርክታይ ኩሸ አይክንቴዛ
(ማር. 14:43-50፤ ሉቃ. 22:47-53፤ ዋን. 18:3-12)
47 የሱሳ ሀጋ የያ ኦድንቶዳር፥ ታጶ ናምኢ ታማርታይፕ ፐታይ፥ ይሁዳ የኤዛ። ቄሰ ሀላቅታይኔ ጋደ ጭምታይ ኪቴዝ ጋመ አሳይ ማሻኔ ጉፈ አይኬዝታይ ኤዛር ዎላ የኤዛ። 48 የሱሳ ኣ እንግዝ ይሁዳ የ ጋመ አሳይኮ፥ «ታኒ ዬርዛይ ይ ኮይዛይ ኤዛ፥ ኤዛ አይኮይታ» ዬጊ ማላ እንጊ ጋዴዛ።
49 ኤልሲ የሱሳኮ ሺቂ፥ «አስታማራዮ፥ ሳሮ ኔስ ማቆ» ዬጊ ኤዛ ዬሬዛ።
50 የሱሳ ኤዝኮ፥ «ታ ዳባዮ፥ ኔኒ አብስ የኤኔ»26:50 ታ ላጋዮ፥ ኔኒ ኦድ ባስቶ ኦ አሾባ፦ ዎይ ሀራ ብርሽይ ታ ላጋዮ፥ ነ Ꮊይዳ አብ ኦ? ዬጌዛ።
የይፕ ጉየ፥ ሺቂ፥ ፋ ኩሻ የሱሳል ጋዲ አይኬዛ። 51 የሱሳር የዝታይፕ ፐታይ ፋ ማሻ ሾዲ ቄሰ ሀላቃይ አይላ ሾጪ፥ ኤ ሀያ ጋቺ ኦሌዛ። 52 ዝን የሱሳ፥ «ነ ማሻ ጉየ ሾካይድ ማሆባ። አብስ ጊኮ፥ ማሻ ሾድዝ ኡቢታይ ማሻር Ꮊይቆዳ። 53 ታ፥ ታ አዳና ዎስዛኮ ጋመ ሙኩሎ ፓይድንትዝ ኪታንችታ ዳኮዳይስ ዳንዳኦዋ ባዝ ኔስ ኣዝኔ? 54 የያ ማቅኮ፥ ጾሳ ቃላይድ Ꮊይ ጋርክ ሀኖዳይስ ቤዝዛ ግንትንትዛይ ዋይዚ ፖልንቶደ?» ዬጌዛ።
55 የ ሳተ፥ የሱሳ የ ሺቄዝ ጋመ ዎያይኮ፥ «ታና ፓኖ ማሂ አይኮዳይስ ማሻኔ ጉፈ አይኪ የኤኔ? ታኒ ጾስ ኬ ጋላስ ጋላስ ታማርስታር ይንታር የዝ ዎደ ይ ታና አይክበኤካያ።26:55 ሉቃ. 19:47፤ 21:37 56 ዝን Ꮊይ ኡባይ ሀኔዛይ ናብታይ ጾስ ቃላይድ ጻፌዛይ ፖልንቶዳይ ጋርከ» ዬጌዛ።
የ ዎደ ኤ ታማርታይ ኡቢታይ ኤዛ አሺ ቆስንቴዛ።
የሱሳ ፕርደ ሻንጎ ቲና ሺቄዛ
(ማር. 14:53-65፤ ሉቃ. 22:54-55፥ 63-71፤ ዋን. 18:13-14፥ 19-24)
57 የሱሳ አይኬዝታይ ቄሰ ሀላቃ ቀያፋኮ ኤዛ ካንጌዛ። ኤዛይድ ህገ አስታማርታይኔ ቢታ ጭምታይ ሺቂ የዛ። 58 ዝን ጵጽሮሳ ቄሰ ሀላቃይ ዛባ ሄሎዳይስ ሃኮር ኤዛ ካሌዛ። ኤ ዉርስ በአዳይስ ዛባ ገሊ ናግዝታይር በቴዛ።
59 ቄሰ ሀላቅታይኔ ሺቄዝ አስ ኡቢታይ የሱሳ ዎዳይስ ኤዛል አፋ ዎርዶ ማርካ ኮዬዛ። 60 ጋምታይ ይኢ ኤዛል አፋ ዎርዶ ማርካ ማርካቴዛ፥ ዝን አብካ ደንገካያ። ጉየፕ ናምኢ አሳይ ይኢ፥ 61 «Ꮊ አይ፥ ‹ታኒ ጾሳ ኬ ላሊ ሀይ ጋላሳር ማሂ ኬጾዳይስ ዳንዳእዛ› ጌዛ» ዬጌዛ።26:61 ዋን. 2:19
62 ቄስታይ ሀላቃይ ደንዲ ኤቂ የሱሳኮ፥ «Ꮊይትታይ ነና ሞትዛ ሞታይስ ኔኒ ማህዝባዝ ባሳ?» ዬጌዛ። 63 ዝን የሱሳ ስእ አቴዛ። ማካ ቄሰ ሀላቃይ፥ «ታኒ ነና ደኦ ጾሳ ሱንር አይክዛ፤ ኔኒ ጾሳ ናአ ክርስቶሳ ማቅኮ ኑስ ኦዶባ» ዬጌዛ።
64 የሱሳ ማሂ፥ «የያ ነ ጌዛ። ዝን ታኒ ይንትስ ኦድዛ፤ Ꮊይፕ ጉየ፥ አስ ናአይ ዎልቃማ ጾሳ ኡሻች ባጋር በቴዝን፥ ሳሎ ሻራር የኦዳር ይ በአዳ» ዬጌዛ።26:64 ዳነ. 7:13
65 የ ዎደ ቄሰ ሀላቃይ ፋ አፍላ ፔ፥ «Ꮊያ ቦኦይታ ጾስ ጫዤዛ! ኑና ሀራ ማርካ አብ ኮሼ? ኤ Ꮊት ጫዤዛና ይ ስኤዛ።26:65-66 ለዊ. 24:15-16 66 ይ ቆፋይ አባ?» ዬጌዛ።
ኡንትካ፥ «ኤዝስ Ꮊይቆ ቤዝዛ» ዬጊ ማሄዛ።
67 የ ዎደ፥ ኡ ኤ ስናይድ ጩቲ ዡልቴዛ፥ Ꮊንክታይ ኤዛ ባቂ፥26:67 ኢሳ. 50:6 68 «ክርስቶሳ! ነና ሾጬዛይ ኦኖ? አን ኑስ ትንቢተ ኦዶባ» ዬጌዛ።
ጵጽሮሳ የሱሳና ካዴዛ
(ማር. 14:66-72፤ ሉቃ. 22:56-62፤ ዋን. 18:15-18፥ 25-27)
69 ጵጽሮሳ ዛባይድ በቴዝን፥ ፐቲ ጋንዳታ ኤዝኮ ይኢ፥ «ኔካ ጋልላ የሱሳር ዎላ የዛ ባሳ» ዬጌዛ።
70 ዝን ኤ ኡ ኡቢታይ ቲና የ ጋንዳትኮ፥ «ነ ግዝ ባዛይ አብዛኮ ታ ኤሮያ» ዬጊ ካዴዛ።
71 ማ Ꮊንጊ ጋሰ ፐንገኮ ሄሎዳር Ꮊንካት ኤዛ ብኢ፥ እዘ የዛ አሳይኮ፥ «Ꮊ አይ ናዝረተ የሱሳር የዛ» ዬጌዛ።
72 ጵጽሮሳካ ናምእን ጫቂ፥ «ታኒ የ አ ኤሮያ!» ዬጌዛ።
73 ጽቃ ጋምኦዳር፥ እዘ ኤቄዝ አሳይ ጵጽሮሳኮ ይኢ፥ «ኔካ ቱሮ ኡንታር ዎላ የዛ ባይ፤ ኔኒ ነ ናሻይር ኤርንትዛ» ዬጌዛ።
74 የይፕ ጉየ፥ ጵጽሮሳ፥ «ታኒ የ አ ኤሮያ!» ዬጊ፥ ፋና ባድኔ ጫቆ አይኬዛ።
የ ዎደ እዝር ሹጉላ ኡኬዛ። 75 የሱሳ ኤዝኮ፥ «ኔኒ ሹጉላ ኡኮዳይፕ ቲና ታና ሀይ ቶኬ ካዶዳ» ጌዛና ጵጽሮሳስ ኤልቂ ግን፥ ባለ ከዚ ዱካ ሱ ዬኬዛ።