João 15

Yame no thsitondo shemwa thso veine

1 "Yame no thsitondo shemwa thso veine, karo Tata yodiyo njimi. 2 Mute ouhe ku kwange o kukana kwima aa u tetako, karo mute ouhe o kwima ima aa u poywera ci wime ima yoingi. 3 Na mu kenithsiwa kare ko maywi aa na ni mi ambera. 4 Mwikarerere mu mwange eci edi ni di mu mwenu. Dyodi u na kananga kwima mute o veine pa pao ofoci shime ci wikare ku thsitondo thsao, namwe tumba mu twethsa kwima shime ci mwikarerere mu mwange.

5 "Yame no thsitondo thso veine, amwe yamwe mwa mite. Yomuhe o kwikara mu mwange name mu mwenthzi, oyo yodiyo o kwima ima yoingi, inene ko kupira ame tumba mu twethsa ku tenda thsimweya.