20 "Ka ni rombererire awa pohuma, unone naa romberera nowa a ku tawa ku kwange mukaci kombangi wo. 21 Tata, naa rombera ethsi ci nga wahe ekare thsofoci, eci dyodi o di mu mwange name mu moe. Nawo ekare mu mwetu, ci kaye nga ka tawe ci yowe no ni tumu.

22 "Na ni wa pa kuya kutethzima no ni pa ci nawo ekare thsofoci eci edi tu di natwe thsofoci. 23 Ame nikare mu mwo, nowe o wikare mu mwange, ci nga a cikwate pofoci ko kuyara, ci kaye ka ku dimuke ci yowe no ni tumu no ku dimuka ci o mukwa ku wa shima eci dyodi wa ni shima.