Baruc 1

Baruki embere z’olubaga lw’Abayahudi e Babiloni

1 Ebi biri binwa by’ecitabu Baruki, mwene Neriyasi*1, 1 Omu cihebraniya, Neriyasi ye Neriyahu; Masiyasi ye Masyahu; , Neriyasi ya Masiyasi, Masiyasi ya Sedekiyasi, Sedesiyasi*1, 1 omu cihebraniya, Sedekiyasi ye Sedekiyahu, Masiyasi ye Mashiyahu mwene Asadiyasi*1, 1 omu cihebraniya, Asadiyasi ye Asadyahu, mwene Hilkiyasi*1, 1 omu cihebraniya, Hilkiyasi ye Hilkiyahu ayandikiraga e Babiloni, 2 omu mwâka gwa karhanu, nsiku ndarhu z’omwêzi, ga­lya mango Abakaldeya bàgwârhaga Yeruzalemu, banamudûlika muliro*1, 2 Mwâka gwa karhanu kurhenga Abayahudi bahêkagwa e Babiloni. Lolà Yer 52, 12; 2 Bâm 25, 8.. 3 Baruki anacisomera ebinwa by’eci citabu embere za Yekoniya*1, 3 omu cihebraniya, Yekoniya ye Yekonyahu mwene Yehoyakimu, mwâmi w’e Yûda, n’embere z’abantu boshi balishubûzinye mpu bayish’iyumva, 4 embere z’abarhambo na bagala ba mwâmi, embere z’abagula, embere z’abantu boshi, abakulu n’abarho, embere za ngasi boshi bâli e Babiloni, ishiriza ly’olwîshi lwa Sudi. 5 Abantu bakazilaka, bacîshalisa, banashenga e­mbere za Nyakasane. 6 Okubundi banacisholôla ensaranga, ngasi muguma akaz’ihâna nk’oku anahashire, 7 bazirhuma e Yeruzalemu, emw’omudâhwa Yowakimu, mugala wa Helkiyasi, mwinjikulu Salomu, n’emwa abandi badâhwa bali haguma naye eyo Yeruzalemu. 8 Baruki ye wali erhi ashûbûzize ebirugu by’omu ka-Nyamuzinda ka Nyakasane, omu nsiku ikumi z’omwêzi gwa Siwani, byàli birugu bya marhale Sedekiyasi, mwene Yosiyasi mwâmi w’e Yûda àtulisagya, 9 erhi Nabukondonozori mâmi w’e Babiloni amayûs’iluliza Yekoniya kurhenga e Yeruzalemu anamuhêka e Babiloni haguma n’abarhambo, abashwêke, abakulu b’olubaga n’olubaga lwoshi. 10 Banaciderha, mpu: «Loli oku rhwammurhumîre ensaranga, ogwo mubalè mugulemwo embâgwa z’okuhâna ntûlo n’enterekêro oku byâha, mugule enshangi, mujire entûlo, muhâne enterekêro oku luhêrero lwa Nyakasane Nyamuzinda wîrhu, 11 "munasengerere akalamo ka Nabukondonozori, mwâmi w’e Babiloni, n’ak’omugala Baltazari, lyo ensiku zâbo za hano igulu zibà nk’ez’emalunga". 12 "Okubundi obwo Nyakasane arhuhè emisî arhumolekere n’amasù, rhulame idako ly’ecîhôho ca Nabukondonozori, n’idako ly’ecîhôho c’omugala Baltazari, rhubarhumikire nsiku nyinji bwenêne rhunarhone omu masù gâbo*1, 12 Okulama idako ly’ecîhôho ca Nabukondonozori kwo kulangwa na Nabukondonozori.." 13 "Nîrhu murhusengerere emwa Nyakasane Nyamuzinda wîrhu, bulya rhwagomîre Nyakasane Nyamuzinda wîrhu, na kuhika olusiku lw’ene, oburhè n’obukunizi bwa Nyamuzinda burhasâg’irhurhengakwo". 14 "Cazinda musome eci citabu rhummurhumire lyo mujira obucîyunjuze bw’ebyâha, omu ka-Nyamuzinda ka Nyakasane, amango g’olusiku lukulu, n’ezindi nsiku zikwânîne". 15 "Muyish’iderha ntya"», mpu:

Okufulûla ebyâha

«Obushinganyanya buli bwa Nyakasane Nyamuzinda wîrhu, ci kwône kuli rhwe, nshonyi ebusù, nk’oku binabonekîne ene! Nshonyi oku muntu w’e Yudeya n’abantu b’e Yeruzalemu*1, 15 Aga mahano gayêrekîre gurhi Abayahudi bacîjaga emurhima, bayêmêra oku bàbihire (Bar 1, 15-20), bàgerêreza oku Nyamuzinda abahîre obuhane bushingânîne (Bar 2, 1-10). Rhulole muli Dan 9, 4-19., 16 "nshonyi oku bâmi bîrhu, abarhambo bîrhu, abadâhwa bîrhu, abalêbi bîrhu na balarha". 17 "Bulya rhwabîhîre Nyakasa­ne", 18 "rhwamugomîre, rhurhayumvirhizagya izù lya Nyakasane Nyamuzinda wîrhu, owakâgirhubwîra mpu rhukulikire amarhegeko ahizire embere zîrhu". 19 "Kurhenga lulya lusiku Nyakasane àrhenzagya balarha omu cihugo c’e Mîsiri kuhika olusiku lw’ene, rhurhasâg’ihusa okubà bagoma emunda Nyakasane Nyamuzinda wîrhu ali, rhwanakaz’ikola ebigalugalu omu kurhayumva izù lyâge". 20 "Na kandi, nk’oku binabonekîne ene, amahanya garhunanîrekwo, na zirya nfûlago Mûsa mwambali wa Nyamuzinda àderhaga oku irhegeko lya Nyakasane, lulya lusiku àrhenzagya balarha omu cihugo c’e Mîsiri mpu arhuhè ecihugo cihululamwo amarhà n’obûci". 21 "Rhurhayumvirhizagya izù lya Nyakasane Nyamuzinda wîrhu, nk’oku ebinwa by’abalêbi bâge akagirhurhumira binadesire", 22 "ci rhweshi rhwakâgenda ngasi muguma nk’oku omurhima gwâge mubî gunamubwîzire, okurhumikira abandi banyamuzinda, okujira ebiri bigalugalu omu masù ga Nyakasane Nyamuzinda wîrhu"».