1 Muzigire obushinganyanya*); kwo kubwîraga abandi barhegesi ihano. Ci kwône arhali Salomoni ci ihano lya muyahudi walonza okuhanûla abâbo Buyahudi mpu bakanarhebwa n’abapagani. - Okulonza Nyamuzinda: kanji kanji abalêbi (Amo 5, 4) n’abarhimanya b’omu Israheli (Mig 8, 17) balâlika abantu mpu balonze Nyamuzinda. Kwo kulwîra obushinganyanya. , mwe murhegeka igulu omu bya Nyakasane, mukaz’igerêreza enkengêro zishingânîne mukaz’imulonza n’omurhima gushongwîre. 2 Bulyâla abarhamurhega, anabaleke bamuhikeko, n’abacîmwikubagira, anacîyêrekebo. 3 Enkengêro z’ebinzongonzongo zinahambule omuntu kuli Nyamuzinda; n’Ogala-byoshi bakamurhega anabonêsa abasirhe nshonyi. 4 Nanga, Obushinganyanya burhajà omu murhima mubî, burhajà n’omu mubiri gushangîra ecâha. 5 Na Mûka Mwimâna orhulera, anakaz’iyâka enderha-kubirhi, arhalirâna abagerêreza buzira bukengêre arhanakwirirwa obubî buyishe. 6 *). Omurhima nago, gunasîme, gugerêreze erhi gubè n’amakengu. Kanji kanji ensiko n’omurhima bijà haguma (Lul 7, 10; 26, 2; Yer 11, 20; 17, 10; Maf 2, 23): kuli kuderha omuntu yêshi nka kula rhuderha omubî mpu abîhire obûla n’obudiku. Okumanya omuntu omurhima n’ensiko, kwo kumumanya yêshi. zâyo. Ye ciri-ebulâbi c’okunali c’omurhima gwâyo n’ebinwa byâyo anabiyumve. 7 Nêci, Omûka gwa Nyakasane guyunjwîre igulu, na bulya gwo gugwâsa*). byoshi haguma, guyishi ngasi kanwa kaderhwa.

8 Ntâye ôderha akanwa kagalugalu wâkafume, akasheba ka Nyamuzinda karhankamusiga. 9 Emirali y’enkola-maligo bayidôkereza bayimanye, izù ly’ebinwa byâge lyahikako Nyakasane lyo obulala bwâge buhanwa.

10 Okurhwiri kuli-luhali byoshi kuyumvîrhiza ciru n’izù ly’owacîduduma erhi kunaliyumvîrhe, 11 Mumanyâge okucîduduma kwa busha busha, Mulange akanwa kinyu oku iderha libî; akanwa kafuma omuntu karhagenda cîru, akanwa kanywesi lufù kalêrhera omuntu,

12 Murhacîhamagaliraga olufù n’amahabwe g’obuzîne bwinyu, murhacîhamagaliraga okuhera n’emikolo y’amaboko ginyu. 13 Nyamuzinda arhalemaga olufù*). Omuntu yêne ye wadwîrhe obubî ci arhali wundi wundi, arhanali Nyamuzinda. Ntà lufù na ntà buhanya bulushire okugomera Nyamuzinda: obwo bugoma, lwo lufù lw’enkola-maligo. Omushinganyanya yêhe, âyôrha ashizire Nyakasane-Mukunda-Kalamo, okufà kwâge, kurhabà kufà ci kurhabaluka. Akalamo k’ensiku n’amango ko bamulemire, yo na ntanda bamubîkîre., arhakwirirwa okuhera kwa abazîne. 14 Alemire byoshi mpu byoshi bihabè*, ebiremwa by’eno igulu bibà bya kuciza, birhabâmo bwôge bwa kuyîrha ciru ehitya, n’okuzimu arhali kwo kurhegeka igulu; 15 bulyâla obushinganyanya bujira akalamo karhahwa*.

16 Enkola-maligo*), na Nyamuzinda gwo mwanya gw’omushinganyanya (Lul 16, 5; 73, 26; 142, 6). zôhe zinabe zamakema olufù zishub’inaluhamagala, mpu zamabona aha omwîra ali, zimurhamirage obwo, zimunywâne, bulya ziyumvîrhe zisîmire okubà mwanya gwâge.