1 यीसु न अपनो बारा चेला ख नजीक म बुला ख, उन का बुरी आत्मा हुन पर अधिकार दियो कि उन निकाले अऊर पूरो तरीका कि बीमार हुन अऊर पूरो तरीका की कमजोरी हुन ख दूर करे। 2 यी बारा म प्रेरित हुन को नाम यू हैं: पहलो समोन, जे पतरस कहलावा हैं, अऊर ओको भई अन्द्रियास; जबदी को पोरिया याकूब, अऊर ओको भई यूहन्ना; 3 फिलिप्पुस, अऊर बरतुल्मै, थोमा, अऊर कर लेन वालो मत्ती, हलफई को पोरिया याकूब अर तद्दै, 4 समोन कनानी, अऊर यहूदा इस्करियोती जेन यीसु पकड़वा भी दियो।

5 यी बारा हुन ख यीसु न यू कहना देख ख ‌भेजियो, "कि गैर यहूदी हुन ख, अर नी जानु, अर सामरी हुन ख कोई भी सहर हुन म भीतर नी करनो।" 6 जब इस्राएल कि भी घरानो ही कि खोई भई भेड़ी हुन को नजीक जानु। 7 अऊर चलते-चलते यू खबर कर, स्वर्ग को राज निकट म आय गयो हैं। 8 बीमार हुन ख अच्छो करो, मुर्दा हुन ख जिन्दो कर ख कोढ़ी हुन ख सुध्द कर, दुस्टात्मा ख निकाल ख। तुम, फिरी म मिलो हैं फिरी म दे दे। 9 अपनो थैला हुन म नी ते सोना, अऊर नी पैसा अऊर नी ताँबा रखनो; 10 रस्ता को लाने नी झोला रख, नी दो कुरता, नी जूता अऊर नी लाठी ले, काहेकि मजदूर ख ओको खाना मिलनू चाहिए।

11 जे कोई सहर अर गाँव म जाओ, ते मालूम कर कि वहा कोन लायक हैं। अर जब तक वहाँ से नी निकले, ओको ही यहाँ पर रहनो। 12 घर म भीतर आते बखत ओ ख आसीस दे जो। 13 अदि उ घर को अदमी लायक होए ते तुमारो ख सान्ति उन पर मिले पर अदि वी लायक नी हो ते तुमारो सान्ति तुमारो नजीक लउट आहे। 14 जे कोई तुम ख आदर नी कर अऊर तुम्हारी बात हुन नी सुने, ते उ घर अर उ सहर से निकलते बखत अपनो पाय हुन कि धूल झाड़ दे। 15 मी तुम से सच कहूँ हैं कि न्याय को दिन उ देस कि दसा से सदोम अऊर अमोरा को सहर हुन कि दसा जादा सहन लायक होए।

16 "देख, मी तुम ख भेड़ी हुन को जसो भेड़ी हुन को बीच म भेजू हूँ, एकोलाने साँप हुन को जसो समझदार अऊर कबूतर हुन को जसो भलो बनो।" 17 पर इंसान से सतर का रहनो, काहेकि वी तुम ख बड़ी प्रार्थना घर हुन म सोपेगो, अऊर अपनी पंचायत हुन म तुमका कोड़ा मारेगो। 18 तुम मोरो लाने अधिकारी हुन अर राजा हुन को समाने तुम ख लायो जाहेगो, जसो मोरो बारे म तुम उनका अऊर गैर यहूदी हुन ख गवाई दे सके। 19 जब वी तुमका पकडवायगो ते या फिकर मत करनो कि हम कसो तरीका से या का कहेगो, काहेकि जो कुछ तुमका कहनो होए, उ उत्ती बखत तुमका बता दियो जाहे। 20 काहेकि बोलन वाला तुम नी हाय, पर तुमरो बाप को आत्मा तुम म बोला हैं।

21 भई, भई का, अऊर बाप पोरिया ख, मार खलान को लाने सोपेगो, अऊर पोरिया पारी माय बाप को बारे म मार ड़ालन को लाने उठ ख उनका मरवा ड़ालेगो। 22 मोरो नाम को वजेसे सब इंसान हुन तुम से बैर रखेगो, पर जो आखरी लक धीरज धर ख रहे ओको ही उध्दार होए। 23 जब वी तुम ख एक सहर म सताहे, ते दूसरो सहर ख भग जानो। मी तुम से सच बोलू हैं, तुम इस्राएल देस ख पूरा सहर हुन नी घुम पानी का कि इंसान को पोरिया आ जाहे।

24 "चेला अपनो गुरू से बड़ो नी होवा; अऊर न दास अपनो मालिक से। 25 चेला को गुरू को, अर नउकर को मालिक को बराबर होनो ही बेजा हैं। जब उनना घर को मालिक ख सैतान बोल दियो। ते ओको घरवाला ख का कुछ नी बोलन का?

26 "एकोलाने इंसान हुन से मत डरनो; काहेकि कुछ ढाको नी हाय कि जो खोलो नी जाहे, अऊर न कुछ छिपो हैं। जो जानो नी जाहे। 27 जो मी तुम से अंधेरा म कहू हैं, ओखा तुम उजेलो म सुनाव; अर जो कान ही कान म सुना हैं, ओखा छत पा से प्रचार करा। 28 जे सरीर ख नुकसान पहुचावा हैं, पर आत्मा ख नुकसान नी पहुचा सका, ओसे मत डर; पर ओसे ही डरो, जो आत्मा अर सरीर दोई ख नरक म नास कर सका हैं। 29 का एक पैसा म दो गऊरैया नी बाकी हैं? तेभी तुमरो बाप कि मर्जी को बगैर उनमा से एक भी जमीन पा नी गिड़ा। 30 तुमरी मुंडी का बाल भी सब गिनिया वाला हैं। 31 एकोलाने डरनो मत; तुम ड़ेर सारी गऊरैया से बढ़ ख हैं।सपाट छत, पुरानो जमाना को इस्राएल म घर

32 "जे कोई अदमी हुन ख सामने मोखा मान लेहे, ओखा म भी अपनो स्वर्गीय बाप ख सामने मान लेहूँ। 33 पर जे कोई अदमी ख सामने मोखा मना करे, ओ ख म भी अपनो स्वर्गीय परमेस्वर बाप ख सामने मना करू।

34 "असो नी समझ कि म जमीन प सान्ति ले कर आयो हैं; म मिलान करन नी, पर तलवार चलान आयो हैं। 35 मीते आयो हूँ कि इंसान का ओको बाप से, अर पोरी का ओकी माय से, सर बहू को ओकी सास से अलग कर देहूँ; 36 इंसान को दुसमन ओखा घर का ही इंसान होऐ।

37 "जे माय अर बाप ख मोसे प्रेम करा हैं, उ मोरो लायक नी हैं; अऊर जो पोरिया अऊर पोरी ख मो से जादा प्रेम करा हैं। उ मोरो लायक नी हैं 38 अऊर जो अपनो सूली लेख मोरो पिछु नी चले उ मोरो लायक नी हैं। 39 जे अपनो जान ख बचावा हैं, उ ओ ख खोएगो; अर जे मोरो कारन अपनो जान देवा हैं, उ ओखा मिले।

40 "जे तुम ख सम्मान कर हैं, उ मोखा सम्मान कर हैं; अऊर जे मोखा स्वीकारा कर हैं उ मोरो भेजन वालो ख स्वीकारा कर हैं। 41 जे जोतिस ख भविस्यवक्ता मान ख ग्रहण करा हैं, वी भविस्यवक्ता हुन को बदला मिले; अऊर जे धर्मी ख धर्मी समझ ख स्वीकारा करा, वी धर्मी को बदला मिले। 42 जे भी कोई यी छोटा म से एक ख मोरो चेला समझ ख केवल एक लोटा ठंडो पानी पिलाहेये, ते म तुम से सच कहू हैं, उ कोई भी तरीका से अपनो इनाम नी खोए।"