1 फरीसी हुन अऊर सदूकी हुन न यीसु जोने आ ख यीसु ख परखन को लाने ओसे बोल्यो, "हमका स्वर्ग को कोई चिन्ह दिखा।" 2 यीसु न जुवाब दियो, "साम ख तुम बोला हैं, ‘मोउसम अच्छो रहे, काहेकि आकास लाल हैं।’ 3 भुसारो होनो पा बोला हैं, ‘आज हवा चलेगो, काहेकि आकास लाल अर बददली से ढ़कियो हैं।’ तुम इंसान हुन बददल ख लक्छन तो पहिचान लेवा हैं, पर बखत का लक्छन नी निसान सका हैं। 4 यू जमाना ख बुरा अऊर छिनाला इंसान हुन चिन्न ढूँढ़ा हैं, पर योना का चिन्न ख छोड़ उनका कोई अऊर चिन्ह नी दियो जाहे।" अऊर यीसु उनका छोड़ ख चल दियो।

5 चेला हुन झील को ओ नो पार पहुँचिया। पर वी अपनो संग म रोटी लेनो भूल गया रा। 6 एकोलाने जब यीसु न उनसे बोल्यो, म "देखनो, फरीसी अऊर सदूकी हुन को खमीर से सतर ख रैनो।"

7 ते वी आपस म कहन लग गया, "हमना रोटी नी लाया, एकोलाने उ असो कहा हैं।"

8 यू जान ख यीसु न उनसे बोल्यो, "अरे जरा देर का विस्वासी, तुम आपस म असो काहे विचार हैं, कि हमारो जोने रोटी नी हाय। 9 का तुम अबा लक नी समझीया? का तुमका वी पाँच हजार कि पाँच रोटी हुन याद नी हाँय, अर न यू कि तुम न कित्ती टोकनी हुन उठई रहा? 10 अऊर न वी चार हजार कि सात रोटी हुन, अऊर न यू कि तुमना कित्तो टोकनी हुन* उठई रहा? 11 तुम काहे नी समझीया कि मी न रोटी हुन को बारे म असो नी बोल्यो, पर फरीसी हुन अऊर सदूकी हुन को खमीर से सावधान रहन ख बोल्यो रहा।"

12 तब चेला हुन समझ गयो कि यीसु न रोटी को खमीर से नी, पर फरीसी हुन अऊर सदूकी हुन कि ग्यान से सतरक रह ख बोल्यो रहा।

13 जब यीसु कैसरिया फिलिप्पी को परदेस म आयो, तब ओ ना अपना चेला हुन से पुछियो, "इंसान को पोरिया ख का बोला हैं?"

14 चेला हुन न जुवाब दियो, "कुछ इंसान हुन बोला हैं यूहन्ना बपतिस्मा देन वालो कोई बोल हैं, अऊर कोई एलिय्याह भविस्यवक्ता, अऊर कोई यिर्मयाह भविस्वक्ता अऊर कोई भविस्यवक्ता हुन म से कोई एक आय कहाँ हैं।"

15 पर यीसु न उनसे बोल्यो, "पर तुम मोखा का बोला हैं?"

16 समोन पतरस न जुवाब दियो, "तू जिन्दो परमेस्वर को पोरिया मसी आय।"

17 ये पर यीसु न ओसे बोल्यो, "अरे समोन, योना को पोरिया, तू भलो हैं; काहेकि कोई असो ही इंसान न नी, बल्कि मोरो स्वर्ग म रहन वालो परमेस्वर बाप न तुम पर यू परगट करयो हैं 18 अऊर मी भी तोसे कहू हैं कि तू पतरस आय, अऊर यू पत्थर पा अपनी कलीसिया बनाऊँगो, अऊर अधोलोक का फाटक ओपर भारी नी पढ़न का। 19 मी तो ख स्वर्ग को राज कि चाबी हुन देहु: अऊर जे कुछ तू धरती पा बाँधूँगो; उ स्वर्ग म बंध जाहे अऊर जो कोई तुम जमीन पर खोले, उ स्वर्ग म खुल जाहे।"

20 तब यीसु न चेला ख जतायो कि कोई से असो मत कहजे कि मी मसी आय।

21 उत्तीच बखत से यीसु अपना चेला हुन ख बतान लग गयो कि "मोखा पक्को मालुम हैं, कि मोखा यरूसलेम ख जानो जरूरी हैं सियाना अऊर पुजारी हुन को अऊर तारा हुन ख देख ख भविस्य बतान वाला सासतिरी के हात से बेजा दुख उठाऊ; अऊर मार दियो जाऊ; अऊर तिसरो दिन फिर से जिन्दो हो ख ऊठु।"

22 येपर पतरस यीसु ख अलग ले जा ख डाँटन लग गयो, "अरे प्रभु परमेस्वर असो नी करे कि! तोरो संग असो कभी नी होय।"

23 येपर यीसु न मुड़ ख, पतरस से बोल्यो, "मोरी आँख को सामने से दुर हो जा, सैतान! तू मोरी रस्ता म ठोकर बन रयो हैं। तुम परमेस्वर की बात नी, बल्कि इंसान हुन कि बात हुन पा मन लगा हैं।"

24 तब यीसु न अपनो चेला से कहयो, "अगर कोई मोरो पिच्छु आन की सोचे, ते उ अपनो खुद को इनकार करे अऊर अपनो सूली ख उठायो, अऊर मोरो पीछु चलन लग जाय। 25 काहेकि जो कोई अपनी जान बचान कि सोचा हैं, उ ओखा बचा नी सकन को; अऊर जो कोई मोरो लाने अपनी जान देहे, उ ओखा बचा लेहे। 26 अदि इंसान ख ऐसे का फायदा अदि उ पुरो संसार ख हासिल कर लेहे, लेकिन अपनी जान ही गवा देहे? अपनी जान को बदला म इंसान का देहेगो? 27 इंसान को पोरिया अपना स्वर्गदूत हुन को संग अपनो परमेस्वर बाप कि महिमा म आएँगो, अऊर उत्तीच घड़ी, उ हर एक ख ओखा काम हुन को हिसाब से फल देहेगो। 28 मी तुम से सच कहूँ हैं कि जो इते खड़ा हैं, उनमा से कुछ असा हैं, कि वी जब तक इंसान को पोरिया ख ओको राज्य म आते हुए नी देख ले, तब तक माऊत को सवाद कभी नी चखन को।"