Mateus 26

यीसु को खलाफ सलाह करनो

1 जब यीसु यी बात हुन ख कह चुकियो ते अपनो चेला हुन से कहन लग गयो, 2 "तुम जाना हैं कि दो रोज को बाद फसह को तिहार आनवालो हैं, अर इंसान को पोरिया सूली पर चढ़ा दियो जान को लाने पकड़ा दियो जाहे।"

3 अऊर तब काइफा नाम को मेन पुजारी को महल म अऊर भी दुसरा बड़ा पुजारी हुन अऊर समाज ख सियाना इंसान हुन एक जुट भया। 4 अर उनना आपस म सला मसुरा करयो कि हम कसो तरीका से यीसु ख चतुरई से पकड़ाहे अऊर ओखा मार डाले। 5 पर वी कहत रहा, "तिहार को बखत म नी। कई असो नी होय कि जनता म लड़ई झगड़ा हो जाय।"

बैतनिय्याह म यीसु को ऊपर इतर चढ़ायो जानू

6 जब यीसु बैतनिय्याह म समोन कोढ़ी को घर म हतो, 7 ते एक बाई न संगमरमर को बर्तन म महेगो वालो इतर लेखा आयी अऊर जब उ खाना खात ही रहा कि ओ ना ओकी मुंडी पा इतर डाल दियो। 8 यू देख ख ओखा चेला हुन गुस्सा हो गया अर कहन लग गया, एको काहे सत्यनास करयो? 9 एका ते अच्छी किमत म बेच ख गरीब-लचार हुन ख बाट दियो जा सकत रहा।

10 यू जान ख यीसु न उनसे बोल्यो, "तुम या बाई ख काहे परेसान करा हैं? ओ ना मोरो संग भलाई करी हैं। 11 गरीब हुन तो हमेसा तुमरो संग म रहवा हैं पर मी तुमरो संग हमेसा नी रहन को। 12 ओ न मोरी सरीर पर जो यू इतर डालो अरे, उ मोरो गाड़ो जान का लाने कियो हैं। 13 म तुम से सच कहू हैं कि पूरी दुनिया म जहाँ कही यू अच्छो खबर प्रचार कियो जाहे, वहा ओखा यू काम को बारा म ओखा याद म कियो जाहे।"

यहूदा इस्करियोती को विस्वासघात

14 तब यहूदा इस्करियोती न, जो बारा चेला म से एक हतो, याजक हुन को नजीक जाय ख कहयो, 15 "पर म ओ ख तुमारो हात पकड़वा दू ते मो ख का दे हे?" उन ख ओ से तीस चाँदी को सिक्का नाप ख दे दियो। 16 अर उ उही बखत से ओ ख पकड़ ख मऊका खोजन लगो।

चेला हुन का संग फसह को आखरी खानो करनु

17 अखमीरी रोटी को तेवार को पहले दिन, चेला यीसु का नजीक आय ख पुछन लगो, "तू कहयो चावह हैं कि हम तोरो लाने फसह खान कि तैयार करे?"

18 ओ न कहयो, "सहर म बेकार अदमी का नजीक जाय ख ओ से कहयो, ‘प्रभु कह हैं कि मोरो बखत निकट हैं। म अपनो चेला हुन ख संग तोरो यहाँ तेवार फसह ख मनाऊ।’"

19 तब चेला हुन न यीसु कि आग्या मानी अर फसह तैयार कियो।

20 जब साम भई ते वी बारा हुन का संग खानो करन ख लाने बठो। 21 जब वी खा रहे हते ते ओ न कहयो, "मी तुम से सच कहू हैं कि तुम म एक मो ख पकड़वाएगो।" 22 ऐपर वी बेजा उदास भयो अर हर एक ओ से पुछन लगो, "अरे प्रभु का उ मी हूँ?"

23 ओ न कहयो दियो, "जेन मोरो संग थाली म हात डालो हैं, उ मो ख पकड़वाएगो। 24 अर इंसान को पोरिया ते जसो ओखा बारा म लिखो हैं जाय हैं: पर उ अदमी पर धितकार हैं जेको व्दारा अदमी को पोरिया पकड़वा जाय हैं: पर उ अदमी को पैदा ही नी होतो, ते ओखा लाने अच्छो हतो।"

25 "यीसु ओको पकड़वालो यहूदा न कहयो, अरे गुरू का उ मी आय?" ओ न ओसे कहयो "तू कह चुको हैं।"

प्रभु को संग खाना खानू

26 अर जब वी खा हते ते यीसु न रोटी ली, अर आसीस माँग ख तोड़ी अर चेला हुन ख देकर कहयो, "ले, खा; यू मोरो सरीर आय।"

27 ते ओ न कटोरा ले ख धन्यवाद कियो, अर उन ख दे ख कहयो, तुम सब इन म से पीओ,

28 काहेकि यी वादा को मोरो उ खून आय, जो बेजा हुन का पाप हुन ख छमा का लाने बहायो जा रहा हैं।