मत्ती 3

यूहन्ना बपतिस्मा देनवाला

1 वी दिन म यूहन्ना बपतिस्मा देनवालो यहूदा प्रदेस को निर्जन प्रदेस म आयो, अऊर वहाँ असो प्रचार करन लग गयो: 2 "मन फिराओ, काहेकि स्वर्ग को राज नजीक आ गयो हैं।" 3 यूहन्ना उईच व्यक्ति आय जेको बारे म भविस्यवक्ता यसायाह न बोल्यो रहा।

"जंगल म एक हाका देन वालो कि आवाज सुनाई देवा हैं

प्रभु के यहाँ जान को रस्ता तैयार करो;

ओकी रोट ख सिधो करो।"

4 यूहन्ना ऊँट को रुआ को कपड़ा पहिनियो हतो, अर कमर म चमडा को पट्टा बाँधी हतो रहा ओको खाना टिड्डी हुन अर जंगल म की मोऊरस हती। 5 तब यरूसलेम सहर अर पुरो यहूदिया प्रदेस ख, अर यरदन नद्दी को आजू बाजू का सब सिवाना से इंसान हुन यूहन्ना को जोने आत रा। 6 अर उनना अपना-अपना पाप हुन ख मान ख यरदन नद्दी म ओसे बपतिस्मा लियो।