Mateus 8

Yesu igunisa mpungu uvaha neju

23 Yesu akayingila muwatu na vawuliwa vaki vakahamba pamonga nayu. 24 Bahapo chimbungululu chivaha neju chikahumalila na manji gakatimbugana neju, hati gakatumbula kuugubika watu, nambu Yesu avi mulugono. 25 Vawuliwa vakamhambila na kumuyumusa peagonili vakamjovela, "Bambu!" "Utisangula tifwa!"

26 Yesu akavajovela, "Nyenye vandu mwemusadika padebe! Ndava kyani muyogopa?" Hinu akayima akahakalila mpungu na manji gakutimbugana neju na nyanja yikaguna kukavya nuu. 27 Vandu vakakangasa na kujova "Wu, mundu mwenuyu avi wuli? Hati mpungu na manji gakutimbugana neju vikumyidikila!"