Filipenses 2

Tubheghe handa lulangalo munnima

12 Maaghanja bhangu, pameghite na mwenga mukinnyitikila Chapanga manjubha ghoha, na hinu pamegha kutali na mwenga nng’endelele kuyitikila. Na ntende lihengo kwa lyogha na kuloghoya mu kughutwihiliha ukombohi ghwenu. 13 Kiyaha Chapanga ndo yunakutenda mahengo munkati yenu na kubhatenda ili npale na kuyitikila likaho lyake.

14 Muyitende milando yoha kyangali kukukulika na kyanga kulimbana, 15 ili mmeghe bhandu bha nyanyi, bhaabheghite ng’obhe na uhokelo, handa bhana bha Chapanga bhanga kuhokela, bhaatama mu nnima nhakata na ghuupotokite, Maang’anyima nkati yabhe handa ndondwa pahing’aliha nnima ghuubheghite na lubhindu. 16 Muaghombele bhandu lilagho lya Chapanga linakuapegha bhandu ubhumi. Hapo maahotola kubhegha na kilibhi kya kuyelelwa mu linjubha lya kubhuya kangi Kilisto, kiyaha mwenga maamoneha kukita lihengo linitendite likihobha ng’obhe yaghi.