12 Baan a mɛ̃, mɛ̃ nswɛn byɛ ɔ̃nkaan wu, ke ngwel wɛ adzeel ãbi ã byɛ me nkuũ a Mãsia. 13 Byɛ b’atal, mɛ̃ nswɛn byɛ, me ndɔɔ yɛn byɛ eyɛɛ wu oli fa obɛɛn. Byɛ b’ãnsam, mɛ̃ nswɛn byɛ, me ndɔɔ yɛn byɛ ebvel wu li Ɔ̃bi. 14 Baan a mɛ̃, mɛ̃ nswɛn byɛ, me ndɔɔ yɛn byɛ eyɛɛ Taal. Byɛ b’atal, mɛ̃ nswɛn byɛ, me ndɔɔ yɛn byɛ eyɛɛ wu oli fa obɛɛn. Byɛ b’ãnsam, mɛ̃ nswɛn byɛ, me ndɔɔ yɛn byɛ eli ye mpɛn, Endɔɔ e Nziã eli onse byɛ bvool byɛ ebvel wu li Ɔ̃bi. 15 Ebee ɔ̃kiri odzii onkyam k’emã ki eli onse ɔ̃kiri. Ŋɛn mbuul odzii ɔ̃kiri, ndɛ olɔ k’abedzii Taal wɛ.