24 एने बोगवानान उपकार मानेन ता रोटाह मुड़ीन केयो, "ज्यो मारो सेरीर हे जो तुमरी केरता आपाय जायेल हे, मारी इर ने केरता ज्योस केऱ्या किरो।" 25 तिहेस केरीन खाणो खाणेन पासाण वाटको लिदो एने केयो, "ज्‍यु वाटको मारी लुय माय नोवाली वायदो हे, जुलबुखे बी पिहो, ते मारी इर ने केरता ज्योस केऱ्या किरो।"

26 काहाकाय जाह वोर तुमू ज्‍यु रूटो खातेह एने ज्या सिंगुल माय रेन पितेह, ते मालीकान मोतीह जाह वोर तु नाह आवीत, पारचार केरती रिवो। 27 तानकेरता जो कुण गेलेत रिती माय मालीकान रूटो खाय एने तान वाटका माय रेन पिय, तो मालीकान सेरीरान एने लुयान गुनेगार ठेराय। 28 तानकेरता माणुह सोताह पारेख लेय एने इहीचकेरीन ज्या रोटा माय रेन खाय, एने ज्या सिंगुल माय रेन पिय।