2 कुरिंथीयो 9

पुरा मोना केरीन दान आपणु

6 पुण वात ज्यी हे: जो थोड़ोक पिरेह, तो थोड़ोक काटती बी; एने जो मोकतोस पिरेह, तो मोकतोस काटी। 7 एकेक जिहकेरीन मोनाम ठाणी तिहेस केरीन दान केरी; एने नाह कुड़कुड़ावीन एने नाह दाबाव से काहाकाय बोगवान खुसी से आपणाराह मोंग किरेह। 8 बोगवान आखी बातीन गीण तुमूह जुलूम होवटो आप सेकीह, ज्याह रेन आखी वातु माय एने आखा टेम माय आखो काय, जो तुमूह जोरवुत हे तुमू फाय रेय; एने एकेक बातीन हाजा कामान केरता तुमू फाय जुलूम काय रेय। 9 जिहकेरीन देरेम पुस्तेक माय लिखेल हे:

"तो पुरा मोन से गेरब्याह दान आप्यो;

एने तान खेराय जेलेम बोणीन रेय।"

10 जो पेरनाराह बिज एने खाणेन केरता रूटो आपेह, तो तुमूह बिज आपी, एने ताह फोलदार केरी एने तुमरा पुरा मोनान फोलाह वोदाड़ी। 11 तुमूह एकेक वातु माय मालदार बाणाय जाहो। ज्यान वोजेसे आखा माणहे बोगवानान दन्यवाद केरती। 12 काहाकाय ज्यी सेवाह पुरो केरने से बोगवानान माणहान जोरवुत पुरी ओलीस नाह ईत, पुण माणहान उगे रेन बोगवानान बी जुलूम दन्यवाद केरती।