अमोस 2

मोआब

1 बोगवान इह केरीन किथे, "मी मोआब देसान जाहार ताहार गुनान वोजेसे मी तान देन्ड नाय सोडु; काहाकाय तो एदोम राज ने राजान आड़ाह हेलगाड़ीन रोखड़ो केर दियेल इतो। 2 केरीन मी मोआब देसा पोर आक्‍ठो पेटाडुह, तान वोजेसे करियोत हेयरान किल्‍ला हेलगी जाती; एने मोआब देस लेड़ायीन गेगदा माय एने बोबखार माय एने बिरान आवाजा माय खेतेम एय जाय। 3 मी तान विचीम रेन नियाव केरणाराह खेतेम केरूह, एने ता हेऱ्योच आखा आदिकारीह बी मारूह।" बोगवानान ज्योस वचन हे।

यहुदा

4 बोगवान इह केरीन किथे, "मी यहुदा देसान जाहार ताहार गुनान वोजेसे मी तान देन्ड नाय सोडु; काहाकाय ता बोगवानान नेमाह ठुकराव देना, एने मारा नेमाह नाह मान्या; जीहे तान डायडाया जुठा देवतान पासाण चालताला, ता बी तिहेच केरीन केऱ्या, एने तान जुठा देवता ताह बोटकाड़ देना! 5 केरीन मी यहुदा देसा पोर आक्‍ठो पेटाडुह, एने तान वोजेसे यरूशलेम ने किल्‍ला हेलगी जाती।"

इस्राएल ने नियाव

6 बोगवान इह केरीन किथे, "इस्राएल ने एजार ताहार गुनान वोजेसे मी तान देन्ड नाय सोडु; काहाकाय ता निर्दोस माणहाह पोयशान केरता, एने गेरीब माणहाह एक जोड़ खाहड़ान केरता वेच देतेह! 7 ता कोमजोर एने गेरीब माणहाह बुयीन रेजड़ान गेत चेंद देतेह, एने गेरबोड़ा माणहाह तान वाटी पोर रेन सेटा केर देतेह; एने आबोख बिटोख दुयू एकुस बायकु हेऱ्या हुवतेह, ता मारा चोखाला नावाह एठो केर दियेल हेते। 8 ता एकेक वेदी हेऱ्या गीरवी मिलेल फाड़का पोर आथरीन लोटतेह, एने तान देवतान मोंदिर माय दिंडेल पोयशान अंगुरान रोह पितेह।"

9 ✝ 2:9 व्यवस्था 3:8-11 मी तान सामने एमोरीह खेतेम किरेल इतो, जान लांबाय देवदार उचाला जाड़ान गेत मोजबुत एती; जो वाहण्यान जाड़ान गेत मोजबुत एतो, तीबी मी उपेर रेन तान फोल, एने बुंदे रेन तान मुलाह खेतेम किऱ्यो। 10 मी तुमूह मिस्र देसाम रेन निकाल लावो, एने हुनाला जागा माय चालीह वोरह्या वोर लेन फिरते रिनो, काय तुमू एमोरीन देसान आदिकारी बोण जाहो। 11 ✝2:11 गिनती 6:1-8 मी तारा थोड़ाक सोराह जाणाव केरनार बाणायो, तारा थोड़ाक जुवान सोराह नाजीर*2:11 नाजीर बोगवानान केरता निवाड़ेल बोणनेन टेम आप्यो। एय इस्राएली, बोगवानान ज्यो बोल हे काय ज्य सोब खेरो नाह सोतो? 12 पुण तु नाजीराह अंगुरान रोह पिवाड्यो, जाह अंगुरान रोह पिणु नाह एतो, एने जाणाव केरनाराह उकुम आप्यो काय जाणाव मा किरे। 13 दिखो, मी तुमूह ओहलो दाबुह, जीहे पुला केरीन बोरायेल गाड़ो नेचो दाबाय जाथे। 14 केरीन जोरेह दोवेड़णाराह बी वोचणेन केरता जागो नाय जुड़ी; एने ताकेतवालान ताकेत बी तान काम नाय आवी; एने लेड़ाणार बी तान जीवाह वोचाड़ नाय सेकी; 15 विंदणार नाय उबरेय सेकी, एने उतवाल्योह दोवेड़नार नाय वोची; गोड़ा पोर बोहणारे बी तान जीव नाय वोचाड़ सेकी; 16 ते दिह जो सुरविराम ताकेतवोर एय, तेगड़ा सिपाय बी तान जीव वोचाड़नेन केरता आथ्‍यार सोड़ीन नाह जाय। बोगवानान ज्योस बोल हे।