प्रकाशितवाक्य 19

दोवल्या गोड़ा पोर बोहणार

11 पुशो मी हेरगाह उगेड़तालो दिख्यो, एने ता एक दोवल्यो गुड़ो ईतो। ता गोड़ा पोर बोहणारान बोरहावाला एने सिदो केवाथी; काहाकाय तो खेराय हेऱ्यो हुमच्यो किरेह एने तान लेड़ाय लिड़ेह। 12 तान डोला ओहला एता मानु आक्‍ठान आसने गेत एय, एने तान मुंडा पोर मोकतास मुकूट एता। ता पोर एक नाव लिखेल एतो, पुण ताह सोड़ीन तो काय हे कुणीस नाह जाणतालो। 13 तो ओहला फाड़का पिर रियेल ईतो जा लुय माय बुड़ायेल एय। एने तान नाव "बोगवानान बोल हे।" 14 हेरगान सेना दोवल्या गोड़ा पोर दोवल्या, साप एने हाजाला हुवाल्ला फाड़का पेरीन मेंड्रान पासाण पासाण जाणे बाजरियेल एती। 15 ✝19:15 प्रकाशितवाक्य 14:20देसा देसान माणहाह आरेवणेन केरता मेंड्रान मुया माय रेन एक तेज दारवाली तालवार निकेलने बाजरियेल एती। तो ता उपेर लोखंडान राजडिंगो लेन राज केरी, एने तो आखाह रेन ताकेतवान बोगवानान रागा केरीन दारान कुंड माय अंगुराह रोहंदली। 16 तान फाड़का एने जांग पोर ज्यो नाव लिखेल एतो: "राजान राजा एने मालीक ने मालीक!"

17 पुशो मी एक हेरोगदुताह दिह्या माय उबरियेल दिख्यो। तो मोठेस आयड़ीन जुगाम उड़णारा चीड़ाह केयो, "आवो एने बोगवानान मोटला खाणान केरता एकठा एय जावो! 18 आवो एने राजान माह, मुखीन, सिपायान, गोड़ान एने ता पोर बोहणारान, आजाद, पावोर, आत्या मोठान एने आखा माणहान सेरीर खावो!"

19 पुशो मी ता जेनवेराह एने दुनियान राजाह दिख्यो, ता हेऱ्यी तान सेना एती एने गोड़ा पोर बोह रियेल माणहा एने तान सेना हेऱ्या लेड़ाणेन केरता एकठा ईयेल एता। 20 ✝19:20 प्रकाशितवाक्य 13:1-18ता जेनवेराह एने जुठा जाणकाराह जो तान ओंगाण चोमेत्कार देखाड़तालो, ता दुयूह बोंदी बोणाव लेदा। जो चोमेत्कार केरीन माणहाह ठेगतालो। एने जा माणहे जेनवेरान साप लियेल एता एने जा माणहे मुरतीन पुजा केरताला। जेनवेराह एने जुठा जाणकाराह दुयूह बी हेलेगताला गंदक एने आक्‍ठान जोवरा माय जीवतालाच टाकाय गीया। 21 बाकी वोचेल सिपाय ता गोड़ा पोर बोह रियेल माणहान मुया माय रेन निकेलनार तेज दारवाली तालवार केरीन माराय गीया; एने आखा चीड़ा तान माह खाईन आफरी गीया।