Atos 16

10 जेवी पौलुस ज्यो देरसेन दिख्यो ते ज्यो सोमेजते लेन काय बोगवान आपुह ता माणहा माय हाजाली खुबेर केणेन केरता हादेल हे, आमु चालोच मकादुनिया जाणेन विचार केऱ्या।

फिलेपी माय लुदियान मोन बोदेलने

11 तेवी आमु त्रोआस रेन डोंडह्या माय बोहीन हुतरा सुमात्राके गीया, एने दिहरे दिह नियापुलीस माय आवा। 12 *16:12 मकादुनिया माय ने पेल्ला जिलान हियोर; थोड़ाक लेख माय मकादुनिया माय ने ता जिलान महत्वपुर्ण हियोर।ता रेन आमु फिलेपी पोचना, जो मकादुनिया देसान पेल्लो जिलो एने रोमीन वोहती हे; एने आमु ता गावा माय थोड़ाक दिह वोर रेना। 13 ओवता विहेवणेन दिहे आमु गावान फाटेक ने बाहेर नेदीन दिड़े ज्यो सोमजीन गीया काय ताहरी विन्ता केरनेन जागो एय, एने ज्‍यु बायकु ताहरी टोलवायेन बोह रियेल एत्यु, त्यु हेऱ्या वातु केरने बाज गीया। 14 एने लुदिया नावान थुआतीरा गावान जामण्या फाड़का वेचणार एती, एने ती बोगवानान बोक्ती केरनार एती। मालीक तीन मोन खोल्यो काय ती पौलुसान वाती पोर मोन लागाड़े। 15 जेवी लुदिया एने तीन गेराणान माणहे बपतीस्मा लेदा, एने ती आमुह इहकेरीन विन्ता केर्‍यी, "केदी तुमू माहु मालीक ने विश्वासी सोमेजतेह, ताहार आवीन मार गेरा माय रिवो," एने ती आमुह मानाड़ीन ली गियी।

पौलुस एने सिलास जेली माय

16 एक दिह जेवी आमु विन्ता केरनेन जागे जाणे बाजरियेल एता, तेवी आमुह एक जुवान पावेरनी मीलानी जीन सेरीर माय जाणाव केणार बुतड़ान जीव ईतो। एने जाणाव केणे से तीन मालक्यान केरता जुलूम पोयशा कामाव लेताली। 17 ती पौलुसान एने आमरी पासाण आवीन आयेड़ने बाज गियी, "ज्या माणहे आखा रेन मोटला बोगवानान सेवक हेते! जा आपुह सुटकारान वाटीन खुबेर केतेह!"