Atos 3

लेंगड़ा बिखारीन हुदारनो

1 एक दिह पतरस एने योहान हिराणेन तीन वाजता विन्ता केरनेन टेम माय उपेर मोंदिराम जाणे बाजरियेल एता। 2 तेवी पायदासीर एक लेंगड़ो माणुह सुंदर नावान बायणा हेऱ्यो बोह रियेल एतो। एने ताह ता दाड़ीन मोंदिरान बायणा पोर बोहाड़ देताला काय तो मोंदिर माय जाणारा फाय बिख मांगे 3 जेवी तो पतरस एने योहानाह मोंदिराम जाताला दिख्यो, तेवी ता फाय बिख मांग्‍यो। 4 तेवी पतरस एने योहान ताह हास केरीन देख्या, एने पतरस केयो, "आमरी उगे देख!" 5 तेवी तो ता फाय काय तीबी जुड़ी केरीन आसा केरीन तान उगे देखणे बाज गीयो।

6 पुण पतरस ताह केयो, "होनो चांदी ते मार फाय नाह सोतो, पुण जो मार फाय हे तो तुवाह आपथु: यीशु मसी नासरीन नावाम चाल फिर!" 7 एने पतरस तान जीवड्यो आथ देरीन उठाड्यो। एने चालोच तान पाय एने मांडा माय ताकेत आव गियी; 8 तेवी तो उसलीन उबरेय गीयो, एने चालने फिरने बाज गीयो, एने चालते कुदतेन बोगवानान बोड़ाय केरतीन ता हिऱ्यो मोंदिराम गीयो। 9 आखा माणहे ताह चालतालो फिरतालो एने बोगवानान बोड़ाय केरतालो देखीन, 10 ताह ओलखी लेदा काय ज्यो ते तोस हे जो मोंदिर ने सुंदर नावान फाटेक पोर बोहीन बिख मांग्‍या केरतालो, जी गेटना ता हेरी ईयेल एती ता जुलूम बोंगलायीन एने ताह जुदोच लागो।