5 एने तुमू ती हिकेह, जी तुमूह बेटाख ने गेत जुड़ेह, विहरी जायेल हेते:

"एय मार सोरा, मालीकान सिक्शाह उदेड़ वात मा सोमजे,

एने जेवी तो तुवाह गुड़के ते ईमोत मा सोड़हे।

6 काहाकाय मालीक जाह मोंग केरने, ताह सिक्शा बी आपणे,

एने जाह बिटोख बोणाव लेणे, ताह चापका केरीन बी देणे।"

7 तुमू दुखाह सिक्शा सोमजीन विठ लिवो; बोगवान तुमूह बेटाख सोमजीन तुमू हिऱ्यो व्यवहार केरने। तो काल्लो बिटोख हे जाह आबोख सिक्शा नाह आपणे? 8 केदी ती सिक्शा जान हाती आखा एतेह, तुमूह सिक्शा नाह जुड़नी, ते तुमू सोरा नाह, पुण सिनालान सोरा ठेराय। 9 पोशो जेवी आपणो सारिरीक आबोख बी आपुह सिक्शा आपताला एने आपु तान आदर केऱ्या, ते काय जीवान आबाख ने उंजु बी ताबाम नाय रिज्यो जाकेरीन आपु जीवताला रेहु।