7 तुमू दुखाह सिक्शा सोमजीन विठ लिवो; बोगवान तुमूह बेटाख सोमजीन तुमू हिऱ्यो व्यवहार केरने। तो काल्लो बिटोख हे जाह आबोख सिक्शा नाह आपणे? 8 केदी ती सिक्शा जान हाती आखा एतेह, तुमूह सिक्शा नाह जुड़नी, ते तुमू सोरा नाह, पुण सिनालान सोरा ठेराय। 9 पोशो जेवी आपणो सारिरीक आबोख बी आपुह सिक्शा आपताला एने आपु तान आदर केऱ्या, ते काय जीवान आबाख ने उंजु बी ताबाम नाय रिज्यो जाकेरीन आपु जीवताला रेहु। 10 ता ते आपणा आपणा सोमेज ने गेत थोड़ास दिह्यान केरीन सिक्शा आपताला, पुण तो ते आपणा फायदान केरता हे, आपु बी तान चोखालान हाती बोण जाहु।