1 तेवी दिहरी वारीन पुशो यहोवा बोगवान योनाह केयो। 2 "उठीन पोला मोटला हियोर निनवे माय जा, एने जी वात मी तुवाह केह, ती वातीन पारचार केर।" 3 तेवी योना यहोवा बोगवान कियेल तिह केरीन निनवे माय गीयो, निनवे एक मोटलो हियोर इतो, ता माय फिरनेन तीन दिह पुरा लागताला। 4 ✝योना एक दिह्यान चालनो चालीन हेयरान विच माय जाएन, ज्यो पारचार केऱ्यो, "एवी रेन चालीह दिह पुरा एय जाती, तेवी निनवे हियोर खेतेम एय जाय!"

5 तेवी निनवेन माणहे यहोवा बोगवाना पोर बुरहो केऱ्या, ता दुख माणावणेन केरता उपासान गोसणा केऱ्या। एने मोटला आतल्या आखा माणहे दुख माणावणेन फाड़का पेरहु।

6 जुलबुखे निनवेन राजा जी वात होमल्यो, तेवी राजा राजगादि पोर रेन उठनो, एने तान फाड़का काड़ीन गोंटान फाड़का पेर लिदो, एने रोखड़ान डिगा पोर बोह गीयो। 7 ओवतो राजा आदिकारी हिऱ्यो हुमच्यो केरीन निनवे हेयरा माय ज्यो पारचार केरायो, "नाह माणहे नाहते गाय बुयोल एने बोकड्या, नाहते दिहरा जेनवारे, नाहते चीड़ा, कुण बी नाय खाती एने पिती। 8 माणहे एने जेनवार दुयु बी रेड़ रेड़ीन यहोवान विन्ता किरे, एने गेलेत कामा हेऱ्या रेन सेटा एय, ता गेलेत काम सोड़े एने पाचतावो किरे। 9 एय सिकेह काय यहोवा बोगवान गीण केरी, एने तान मोन बोदेल लेय एने तान जो बुड़केल राग हे, तो ओलाय जाय एने आपु खेतेम एणे से वोच जाहु!"

10 जेवी यहोवा बोगवान तान कामाह दिख्यो काय ता गेलेत वाटे रेन वोलने बाजरेनाह, तेवी बोगवान तान निर्णय बोदेल दिनो एने ताह जो खेतेम केरनेन ठेरायेल इतो, ताह नाह केऱ्यो।