लुका 1

59 एने आठवे दिह तान खेतना केरावणेन जी रिती एती, ती रिती केरने आवा, एने माणहे तान नाव आबाख पोर रेन जकरीया मेलताला। 60 पुण तान आहख केयी, "नाह ज्यान नाव योहान मीलो।"

61 ता तीह केया, "तारा गेरल्याम रेन ज्य नाव कुणीच ने नाय मीले।" 62 तेवी ता तान आबाख ईसारो केरीन फुशा, "तु ज्यान नाव काय मेलने हुदेह?"

63 तो लेखणेन पाटी मांगीन लेख दिनो, "ज्यान नाव योहान हे।" एने आखा बोंगलाय गीया। 64 तेवी तान मुय एने जिब तुलेचबूखे उगड़ी गियी, एने तो बोलने बाज गीयो, एने बोगवानान बोड़ाय केरने बाज गीयो।