लुका 12

15 यीशु चेलाह केयो, "उशारी माय रिवो! एने आखी बातीन लालुच रेन वोचीन रिवो, काहाकाय कोलोक बी मालदेन काहा नाह रेत, ता माय खेरलो जीवणो नाय रेय।"

16 ओवतो यीशु ताह एक किस्सो केयो, "एक मालदारान खेता माय जुलूम मेर पाकनी।" 17 तो विचार केरने बाज गीयो, दाणा मेलनेन केरता मार फाय होवटो जागो नाय मीले ते मी काय केरू? 18 ते तो केयो, "मी इही केरूह मार मालदेनान मोटक्याह तोड़ीन ताह रेन मोठोह मोटक्यो बाणावुह, ओवतो ता माय मार दाणा एने सोब मालदेनाह मेलुह। 19 तेवी मी मार जीवाह केह, एय मार जीव तुवा फाय जुलूम वोरह्यान केरता जुलूम मालदेन मीलेल हे, खा पी मोज्या केर, एने हुकेच रे।" 20 पुण बोगवान ताह केयो, "एय फोगा! आज राती मी तारो जीव काड़ देह, ताहार जो बी तु टुलो किरेल हे, तो कुण खाय।"

21 एने यीशु ताह केयो, "जो आपणी केरता मालदेन टुलो किरेह, तो बी तान गेतुच हे, पुण बोगवानान नेजरीम मालदार नाय मीले।"