57 जेवी यीशु तान चेला हेऱ्यो वाटे जाणे बाजरियेल ईतो, तेवी एक माणुह यीशुह केयो, "जा जा तु जाहे मी तार पासाण चाल देह।"

58 यीशु ताह केयो, "कोल्यान देरे एने चीड़ान पांजरा रेतेह, पुण माणहान बेटाख ने केरता मुंड लीकाड़ ने बी जागो नाह सुतो।"

59 एने यीशु दिहराह बी केयो, "मार पासाण आव।" पुण तो केयो, "एय मालीक, माहु पेल मार आबाख बुजणेन जाणे दे।"

60 यीशु ताह केयो, "मुरेलाह तान मुरदाह बुजणे दे, पुण तु जाईन बोगवानान राज ने बाराम हाजाली खोबरीन पारचार केर।"

61 उंजु एक केयो, "एय मालीक, मी तार पासाण आवुह, पुण पेल माहु मार गेरल्‍याह खुबेर आपणे दे।"

62 यीशु ताह केयो, "जो कुण एला पोर आथ मेलीन पासाण फिरीन दिखेह, तो बोगवानान राज ने लायकीन नाह सोतो।"