मरकुस 10

आंदला बरतीमाईह देखतो केरने

46 ज्यान पासाण ता यरीहो गावा माय पोचना, जेवी यीशु तान चेला एने एक माणहान होवटाली गेरदी हेऱ्यो यरीहो रेन बाहेर जाणे बाजरियेल ईतो, तेवी ताह वाटीन मीरे बोह रियेल एक आंदलो बिखारी मिलनो, तान नाव बरतीमाई एने तान आबोख तीमाई ईतो। 47 जेवी ताह ज्य मालुम एनो काय यीशु नासरी हे, तो आयड़ीन केयो, "एय दाऊदान सोरा यीशु! मार पोर गीण केर!"

48 जुलूम माणहे ताह जोर केऱ्या काय ठावको रेय। पुण तो उंजु जोरेस आयेड़ने बाज गीयो, "एय दाऊदान सोरा, मार पोर गीण केर!"

49 तेवी यीशु उबरीन केयो, "ओयाह माहु फाय लियावो।"

केरीन माणहे आंदलाह हादिन केया, "ईमोत मेल! उठ, तो तुवाह हादिह।"

50 आंदलो माणुह तान फाड़का टाकीन कुदिन उबरेय गीयो, एने यीशु फाय आवो।

51 एने यीशु आंदलाह फुशो, "तुवाह मार फाय रेन काय जुवे?"

आंदलो यीशुह जापाप आप्यो, "एय गुरू, मी पुशो देखणे बाज जाव।"

52 यीशु आंदलाह केयो, "जातरे, तारो बुरहो तुवाह हुदार दियेल हे।"

आंदलो चालोच देखणे बाज गीयो एने वाटे यीशुन पासाण चाल पोड़नो।