1 उवतो यीशु तान बारा चेलाह आहने हादिन, ताह बुतड़ा निकालने एने आखी बातीन बेमारीह, एने आखी बातीन कोमजोरीह सिटो केरनेन आदिकार आप्यो। 2 ता बारा प्रेरितान नावे ज्या हेते: पेल्लो, शमोन जो पतरस केवाणे, एने तान बाहख अन्द्रियास; जब्दीन बिटोख याकुब, एने तान बाहख योहान; 3 फिलीपुस, एने बरतुल्मे, थोमा, एने फालो उकालनार मत्ती, हलफाईन बिटोख याकुब, तद्दे; 4 शमोन कनानी, एने यहुदा इस्‍कोरिती जो यीशुह देराव बी दियेल।

5 तेवी यीशु बाराह चेलाह ज्यो उकुम आपीन मुकल्यो: "बिगेर यहुदि माणहान उगे मा जाहो, एने सामरीयान काल्ला बी हेयराम मा जाहो। 6 पुण इस्राएलान गेराणान टाकायेल मेंड्रा फाय जाज्यो। 7 एने चालते चालतेन ज्यो पारचार किरो, ‘हेरगान राज आहने आव लागेल हे!’✝ 8 दुखाऱ्याह हुदारो, मोरेलाह जीवाड़ो, कोढीह हाजा किरो, बुतड़ाह निकालो, तुमूह फुकेट माय जुड़ेल हे, फुकेट माय आपु। 9 तुमरा थेयला माय नाहते होनो, एने नाह पोयशा, एने नाह ताबो मेलज्यो; 10 ✝वाटीन केरता थेयलो, दुय जोड़ डेगला, खाहड़ा एने डेंगो मा लिहो, काहाकाय मोंजऱ्याह तान खाणो जुड़ने जुवे।"

11 जा बी हेयराम एने गावाम जाहो, ते पोतो लागाड़ो काय काल्लो माणुह जो मोदेक केरनार हे, एने जाह वोर ता रेन नाह निकेलते ताज ने गेराम रिज्यो। 12 जेवी गेराम रिगहो ते ताह बोरकेत आपज्यो। 13 केदी ता गेरान माणहे लायकीन एती ते तुमरी सान्ती ता पोर पोची, पुण केदी ता लायकीन नाय एती ते तुमरी सान्ती तुमू फाय फिरीन आवती रेय। 14 ✝जो कुण तुमूह गेराम नाय हादि एने तुमरी वातु नाय होमली, ते ता गेराम एने ता हेयराम रेन निकेलतेन तुमरा पायाम लेटकेल रेजड़ो जेटेक दिज्यो। 15 ✝✝मी तुमूह खेरीच केथु, काय नियाव ने दिह ता हेयरान देशाह रेन सदोम एने अमोरान देसान देशाह होवटी वेठणेन लायेक रेय।

16 ✝ हुमलो, मी तुमूह मेंड्रान गेत कोलवान विची माय मोकेलथु, तानकेरता गेड़हान गेत ईकेलवाला एने पेरवान गेत बोला बोणो। 17 ✝पुण माणहाह रेन जोगवीन रिवो, काहाकाय ता तुमूह मोटला कोरटाम होपती, एने तान पोंचा माय तुमूह चापका देती। 18 तुमूह मार केरता आदिकारीन एने राजान सामने, एने बिगेर यहुदिन ओंगाण पुरावो रेणेन केरता पोचाड़ाय जाहो। 19 जेवी ता तुमूह देरावती, ते इहकेरीन कालजी मा किरहो काय आमु किहीक एने काय केहु; काहाकाय जो काय तुमूह केणेन एय तो तुलेचबूखे केवाय जाय। 20 काहाकाय बोलनारे तुमू नाह सोता; पुण तुमरा आबाख ने जीव तुमरे माय बोली।

21 ✝बाहख बायाख, एने आबोख तान बेटाख मारनेन केरता देरीन होपी; एने सोरा तान आईख आबाख ने विरोद माय एन ताह माराव देती। 22 ✝मार नावान केरता आखा माणहे तुमू हेऱ्या दुसमोनाय केरती, पुण जो सेवली बुखेत वोर दिर देरीन रेय तास ने सुटकारो एय। 23 जेवी ता तुमूह एक गावाम तोपशा केरावती, ते दिहरे जागे जात रिज्यो। मी तुमूह खेरीच केथु, काय तुमू इस्राएलान आखा गावाम फिर नाय लिहो काय मी माणहान बिटोख आव जाह।

24 ✝गुरूह रेन चेला नाह मोठा, एने नाह पावोर तान मालक्याह रेन। 25 ✝गुरून गेत चेला, एने मालीकान गेत पावरान रेणु ठिक हे। जेवी ता गेरान मालक्याह बालजबुल केया, ते तान गेरान माणहाह काहा नाय खाराब केती।

26 ✝तानकेरता माणहाह मा बिवो। काहाकाय डापेल कायच नाह सोतो जो उगड़े नाय, एने नाह काय लिकायेल हे जो जाणाय नाय जाय। 27 जो मी तुमूह आदारला माय केथु ताह तुमू उजाला माय किवो, एने जो तुमरा कानाम कियेल हे एने जो होमलेल हेते, ताह तुमू गेरान साजा पोर रेन पारचार किरो। 28 जा सेरीराह नुकसान केरतेह, पुण जीवाह नुकसान नाह केर सेकते, ताह मा बिवो; पुण ताह बिवो जो जीवाह एने सेरीराह दुयूह बी नेरगान आक्‍ठा माय खेतेम केर सिकेह। 29 काय एक रूपियान दुय चीड़ा नाह वेचाते? तीबी तुमरा हेरगावाला आबाख ने मोरजीन बिगेर ताम रेन एक बी बुई पोर पोड़ नाह सिकेत 30 तुमरा मुंडान सोब लेट्या बी गेणायेल हेते। 31 तानकेरता बिवो मा; काहाकाय तुमू जुलूम चीड़ाह रेन वोड़ीन हेते! सापाट साजो, जुनाला कालान इस्राएल माय गेर

32 मी तुमूह केथु, "जो कुण माणहान ओंगाण माहु स्वीकार केर लेय, ताह मी बी मार हेरगावाला आबाख ने सामने स्वीकार केर लेह। 33 ✝पुण जो कुण माणहान सामने मारो नाकार केरी, ताह मी बी मार हेरगावाला आबाख ने ओंगाण नाकार देह।

34 "ज्य मा सोमजो काय मी देरती पोर मेल केरावणे आयेल हे, मी मेल केरावणे नाह, पुण तालवार चालाड़ने आयेल हे। 35 काहाकाय मी ज्यानकेरता आयेल हे, बेटाख तान आबाख हेऱ्या रेन, एने बेटीख तीन आईख हेरी रेन, एने वोवड़ीख तीन हाहवोक हेरी रेन सिटो केरने;✝ 36 एने माणहान गेरल्यास तान दुसमोन रेती।

37 "जो आईख आबाख माहु रेन जादा मोंग किरेह, तो मार लायकीन नाह सोतो; एने जो बेटीख बेटाख माहु रेन जादा मोंग किरेह, तो बी मार लायकीन नाह सोतो। 38 ✝एने जो कुण तान खुरूसखाम उखलीन मार पासाण नाह चालेत, तो मार लायकीन नाह सोतो। 39 ✝एने जो कुण तान जीवाह वोचाड़ने हुदेह ताह तो गोमाड़ देय, एने जो कुण मार केरता तान जीवाह गोमाड़ी, तो ताह जुड़ी।

40 ✝"जो कुण तुमूह आहने किरेह, तो माहु आहने किरेह, एने जो कुण माहु आहने किरेह, तो माहु मोकेलनाराह आहने किरेह। 41 जो कुण जाणकाराह जाणकार हे केरीन आहने किरेह, ताह जाणकारान फोल जुड़ी, एने जो कुण खेरलाह खेरलो हे केरीन आहने किरेह, ताह खेरायीन फोल जुड़ी। 42 जो कुण न्या आत्याम रेन एकाह मार चेलो जाणीन एक कोलह्यो पाणी पिवाड़ी, ते मी तुमूह खेरीच केथु, तो काल्ली बी रिती से तान फोल नाय गोमाड़ी।"