Mateus 15

बायकुन बुरहो

21 यीशु तारीन निकलीन सुर एने सेदान देसा माय जात रिनो। 22 ता देसा माय रेणार एक कनानी जातीन बायकु रेड़तेन ता फाय आवीन आयड़ीन केयी, "एय मालीक! दाऊदान सोरा, यीशु। मार पोर किव केर, काहाकाय मार सोरीह बुतड़ो जुलूम विताड़ने बाजरिनोह।"

23 पुण यीशु तीह कायच जापाप नाह आप्यो। तेवी तान चेला आवीन ताह केया, "तीह मोकेल दे, काहाकाय ती आमरे पासाण आयेड़तेन आवणे बाजरेनीह।"

24 यीशु जापाप आप्यो, "इस्राएलान गेराणान टाकायेल मेंड्राह सोड़ीन, बोगवान माहु दिहरा कुणीस फाय नाह मोकलेल सोतो।"

25 पुण ती बायकु आवी एने यीशुह नमस्‍कार केरीन केणे बाज गियी, "एय मालीक, मारी मोदेक केर।"

26 यीशु तीह जापाप आप्यो, "सोरान रूटो चिताह आपणे हाजो नाह सोतो।"

27 ती केयी, "ज्य खेरीच हे मालीक, पुण चिता बी ते मालक्यान खाणे बुखेत टेबला पोर रेन उसटालो बुंदे पुड़ेह ते, विसीन खाणु ते खोरा।"

28 ज्य होमलीन यीशु तीह जापाप आप्यो, "एय बाय, तारो बुरहो मोटलो हे! जिहकेरीन तु हुदेह तिहेस केरीन तार केरता एय।" एने तीन सोरी चालोस हुदरी गियी।