Mateus 26

यीशुह देरावणेन विचार

1 जेवी यीशु ज्‍यु सोब वातु केय दिनो, ते तान चेलाह केणे बाज गीयो। 2 ✝26:2 निर्गमन 12:1-27"तुमू जाणतेह, काय दुय दिह्यान पासाण फसह ने तिवार हे, एने माणहान बिटोख खुरूसखाम पोर चेड़ाय जाणेन केरता देराय जाय।*26:2 जेवी मिस्र देसा माय रेन इस्राएली माणहाह काड़ीन लायेल, तु दिह ता माणहे एर केरीन तिवार केरताला एने ता मुखी चाकऱ्यान गेरा माय टोलवाना।"

3 तेवी मुखी चाकऱ्या एने माणहान डायडाया केफा नावान मुखी चाकर्‍यान राजवाड़ान खोली माय टोलवाना। 4 एने तान तान विचार केरने बाज गीया, काय यीशुह दोका माय देरीन मार देहु। 5 पुण ता केया, "तिवारान दिह नाह, नाहते माणहा माय देंगो एय।"

यीशु पोर मोंगालो तेल चोपेड़नो

6 जेवी यीशु बेतनियाह माय शमोन कोढीन गेरा माय इतो।

7 ✝ 26:7 लुका 7:37,38 ते एक बायकु दोवल्या देगड़ान सिसी माय मोंगालो जटामासीन गेंदाण्यो तेल लेन यीशुन आहने आवी, एने जेवी यीशु रूटो खाणेन बुहेल इतो, ते तान मुंडी पोर रोचवी देनी। 8 ज्य देखीन तान चेला रागा माय केणे बाज गीया, "ज्या तेलाह काहा विरखावेह। 9 ज्याह ते हाजीह किमोत केरीन वेचीन गेरब्या माय वाट देती।"

10 यीशु ज्य होमलीन ताह केयो, "बायकुह काहा तारास देतेह? ती मार मुंडी पोर तेल रोचवीन मार हेऱ्यो हाजो काम किरेल हे। 11 गेरीब ते तुमू हेऱ्यास जेलेम रेती, पुण मी तुमू हिऱ्यो नाय रेव। 12 ज्यी मार सेरीर पोर ज्य इत्र रोचवेल हे, तो माहु बुजाणेन केरता किरेल हे। 13 मी तुमूह खेरीच केथु, ‘आखी दुनियाम जाहरी बी ज्यी हाजाली खुबेर पारचार केराय जाय, ता ज्यीन ज्या कामान बाराम बी केती एने ज्यीन एर केराय जाय।’"

यहुदा इस्‍कोरिती बुरहो तोड़ने

14 तेवी यहुदा इस्‍कोरिती, जो बारा चेला माय रेन एक इतो, तो मुखी चाकऱ्या फाय गीयो, 15 एने तो केयो, "केदी मी ताह तुमरी आथाम देराव देह, ताहार माहु काय आपहो?" तेवी ता यहुदाह तीस चांदीन रूपिया तोलीन आप देना। 16 एने तो तुलबूखे रेन यीशुह देरावणेन हाजालो मुको होदणे बाज गीयो।

यीशु चेला हिऱ्यो फसहान आखरी खाणो

17 अखमीरी रोटान तिवारान पेल्ले दिह, चेला यीशु फाय आवीन फुसतेह, "तुवाह का हाजो लागीह काय आमु तार केरता फसहान तिवार खाणेन तिवार केरहु?"

18 यीशु केयो, "हेयरा माय फोलाणा फाय जाईन ताह किज्यो, गुरू किथे, मार टेम आहने हे; मी मार चेला हिऱ्यो तार गेर फसह तिवार मानावण्यो हे।"

19 तेवी चेला यीशुन वातु मानेन फसहान तियारी केऱ्या।

20 जेवी हांज एनी तेवी यीशु बारा चेला हिऱ्यो रूटो खाणेन केरता बुठो। 21 जेवी ता खाणे बाजरियेल एता, तेवी यीशु केयो, "मी तुमूह खेरीच केथु काय तुमरा माय रेन एक जाण माहु देराव देय।"

22 ज्यी वात पोर ता जुलूम नाराज एय गीया, एने एकेक जाण यीशुह फुसतेह, "एय गुरू, काय तो मी हे?"

23 यीशु जापाप आप्यो, "जो मारी तेली माय आथ टाकेल हे, तोस माहु देराव देय। 24 माणहान बिटोख ते जीहे तान बारामाय लेखायेल हे, पुण ता माणहा पोर हाय जान आथा केरीन मी माणहान बिटोख मार दुसमोनाह होपाय जाय। केदी ता माणहान जेल्मोच नाय एतो, ते तानकेरता हाजो रेतो।"

25 तेवी यीशुह देरावणार यहुदा केयो, "एय रब्बी, काय तो मी हे?" यीशु ताह केयो, "तु केय दिनो।"

मालीकान खाणो

26 जुलबुखे ता खाताला ते यीशु रूटो लिदो, एने दन्यवाद किऱ्यो एने रूटो मुड्यो, एने चेलाह वाटणेन केयो, "लिवो, खावो; ज्यो मारो सेरीर हे।"

27 पुशो यीशु वाटको विसीन, दन्यवाद किऱ्यो, एने चेलाह आपीन केयो, "तुमू आखा ज्याम रेन पिवो, 28 काहाकाय ज्यी वायदान लुय हे, जी आखान पापान माफीन केरता वोयाड़ाय जाथे।