1 एय मारा बाय बोणहा, आपणा बोक्ती वाला मालीक यीशु मसी पोर तुमरो बुरहो बेदबाव माय नाय रेय। 2 काहाकाय केदी एगदो माणुह होनान मुंदी एने हाजाला फाड़का पेरीन तुमरी मोंडली माय आवी, एने एक गेरीब बी खाराब फाड़का पेरीन आवी, 3 एने तुमू ता हाजाला फाड़का पेरनारान मुय देखीन किहो, "तु ता हाजाली जागे बोह," एने ता गेरब्याह किहो, "तु न्या उबरी" नाहते "मार पाया हिऱ्यो बोह जा।" 4 ते काय तुमू एका दिहरा माय बेदबाव नाह केऱ्या, एने खाराब वातु माय नियाव केरनारे नाह ठेराना? 5 एय मारा मोंगाल्ला बाय बोणहा, हुमलो काय बोगवान दुनियान नेजरीम जा गेरीब हेते ताह निवाड्यो काय बोरहा माय मालदार एने ता राज ने आदिकारी एय, जान वायदो तो ता हिऱ्यो किरेल हे जा ता पोर मोंग केरतेह? 6 पुण तुमू ता गेरब्यान ईजुत वेरतेह, एने ता कुण हेते जा तुमूह बोलने नाह देते एने कोरटा माय खेच खेचीन ली जातेह, ता मालदार माणहे नाह सोता? 7 जा हाजाला नावान केरता तुमूह नाव सापड़ेल हे, तान ता चिहटा केरती नाह काय? 8 तीबी केदी तुमू चोखाली पुस्तेकीन ज्या वचनान गेत, "तु तार आहेंल्या हिऱ्यो तार होस मोंग केर," खेरीच ता राज कायदाह पुरो केरतेह, ते हाजोस केरतेह। 9 पुण केदी तुमू माणहाह देखीन वेवारो केरतेह, ताहार पाप केरतेह; एने कायदो तुमूह नेम तोड़नार ठेरावेह। 10 काहाकाय जो कुण आखा कायदाह मानेह पुण एकुस वाती माय चुक जाय ते तो सोब वातु माय गुनेगार ठेराय गीयोह। 11 तानकेरता जो ज्यो केयो, "तु सिनालो मा किरहे," तोस ज्यो बी किथे, "तु खुन मा किरहे," तानकेरता केदी तु सिनालो ते निहे किऱ्यो एय, पुण खुन किऱ्यो एय तीबी तु कायदाह नाह मान्नार ठेरानो। 12 तुमू ता माणहान गेत वचन बोलो एने काम बी किरो, जान नियाव ता नेमान गेत एय जो आपुह सुटकारो आपेह। 13 तानकेरता जो किव केरनार नाह सोतो: तानकेरता बोगवानान नियाव बी बिगेर किवास ने रेय, काहाकाय किव नियाव पोर जिक हे।

14 एय मारा बाय बोणहा, केदी कुण केय माहु बुरहो हे पुण तो काम निहे केरतेय, ते ज्या माय काय फायदो? काय ओहलो बुरहो केदी तान सुटकारो केर सिकेह? 15 केदी एगदो बाहख बोणीख उगाड़ला एती, एने ताह दाड़ीन दिह खाणान कोमी एय, 16 एने तुमरे माय रेन ईखेह ताह केय, "तुमरी देखरेत किरज्‍यो, तुमू ताताला एने आफरीन रिवो," पुण ज्‍यु वोस्तु सेरीरान केरता जोरेवरी हे ती ताह नाय आपी ते काय फायदो? 17 तिहेस केरीन बुरहो बी केदी कामा हिऱ्यो निहे एय, ते आपणा सोबाव माय मुरेल हे।

18 एगदो केय सिकेह, "तुवाह बुरहो हे एने मी काम केरथु," तु तारो बुरहो माहु कामा बिगेर ते देखाड़; एने मी मारो बुरहो मारा कामान द्‍वारे तुवाह देखाडुह। 19 तुवाह बुरहो हे; काय एकुस बोगवान हे? तु हाजो किरेह। बुतड़ा बी बुरहो केरतेह एने थेर थेर कापतेह। 20 पुण एय विणकाम्या माणहा, काय तु ज्यो बी नाह जाणेत काय कामान बिगेर बुरहो वाये हे?*2:20 बिगेर कामान; थोड़ाक लेख माय मुरेल लिखेल हे। 21 जुलबुखे आपणो आबोख अब्राहाम तान बेटाख इसहाकाह वेदी पोर चेड़ायेल, ते काय तो कामा माय देरमी नाह ठेरायेल ईतो। 22 तु देख लीदोह काय बुरहो तान कामा हिऱ्यो मिलीन जोर दियेल हे, एने कामा केरीन बुरहो खेरो ईनो, 23 एने चोखाली पुस्तेकीन वचन पुरो एनो, "अब्राहाम बोगवाना पोर बुरहो किऱ्यो एने ज्यो तानकेरता तो सिदो ठेरानो," एने तो बोगवानान जोड़ीदार ठेरानो✝2:23 तो बोगवानान जोड़ीदार ठेरानो यशाया 41:1। 24 इहीचकेरीन तुमू देख लेदा काय माणुह बुरहो ओलोस नाह, पुण कामा केरीन बी, सिदो बुणीह। 25 तिहेस केरीन राहाब वेश्या बी, जेवी ती दुताह तीन गेरा माय रेणे देनी एने दिहरी वाटी रेन मोकेल देनी, ते काय ती कामा माय देरमी नाह ठेरानी? 26 जिहकेरीन सेरीर जीवा बिगेर मुरेल हे तिहेस केरीन बुरहो बी कामा बिगेर मुरेल हे।