याकुब 4

देरती हेऱ्यी दोस्ती

1 तुमरी विची माय लेड़ाय एने राड़ का रेन आवीह? काय तुमरा मोनान मोरजी से नाह आवीत जो तुमरे माय राड़ जीगड़ो केरतेह? 2 तुमू लालुस केरतेह एने तुमूह जुड़ेत नाह; ज्यानकेरीन तुमू खुन केरतेह। तुमू जुलूम आसा केरतेह, एने कायच नाह जुड़ेत, ज्यानकेरता तुमू लेड़ाते एने बाथे पोड़तेह। एने तुमू जो होदतेह तो तुमूह ज्यानकेरीन नाह जुड़ेत, काहाकाय तुमू बोगवाना फाय मांगते नाह। 3 तुमू मांगतेह पुण जुड़ेत नाह ज्यानकेरीन काय खाराब आसा केरीन मांगतेह, काय तुमरा मोज मोचती माय उड़ाव दिहो। 4 एय बुरहो नाह केरनार काय तुमू नाह जाणते काय जेगा हेऱ्या दोस्ती केरनो ते बोगवाना हेऱ्यो दुसमोनाय केरनो हे? जो कुण जेगान जोड़ीदार बोणने हुदेह तो सोताह बोगवानान दुसमोन बाणावीह। 5 काय तुमू ज्यो सोमेजतेह काय चोखाली पुस्तेक उदेड़ किथे, "जो जीव आमरे माय हे, काय तो लालुस किरेह जान फोल कुयराय हे।"*4:5 जीव उत्साहित मोरजी; नाहते आमरे माय बोगवान जो जीव मिलेल हे, तान बाराम ती मोरजी से लालुस केरथु। 6 *4:6 माणहे तुवाह जापाप नाह आपते; नाहते माणहे। काय बोगवान तुवाह जापाप नाय आपी। तो ते उंजु बी गीण आपेह; ज्यानकेरता ज्यो लिखेल हे, "बोगवान मोठाय केरनारान विरोद केरने, पुण गेरब्या पोर किव केरने।"

7 केरीन बोगवानान उगे एय जावो। एने सैताना हेऱ्या लेड़ो, ताहार तो तुमरे आहने रेन नाह जाय। 8 बोगवानान आहने आवो ते तो बी तुमरे आहने आवी। एय पापी माणहा, तुमरा आथे चोखाला किरो; एने एय कोपट्या माणहे, तुमरो मोन चोखालो किरो। 9 नाराज ईवो, एने दुख किरो, एने रिड़ो। तुमरो आहणो दुख माय एने तुमरी खुसी नाराजी माय बोदेल जाय। 10 मालीकान ओंगाण देरमी बुणो ताहार तो तुमूह उचो केरी।

बाय बोणहा पोर गुनो लागाड़ने

11 एय बाय बोणहा, एका दिहरान विरोद माय वातु मा किरो। जो आपणा बाय बोणहान विरोद माय बुलीह ताहार नेमान विरोद नियाव किरेह, एने तु नेमा पोर चालनार नाह, पुण ता पोर आदिकारी ठेरानो। 12 कायदो आपणार एने आदिकारी ते एकुस हे, जो वोचाड़नेन एने खेतेम केरनेन ताकेत हे। पुण तु कुण हे, जो तारा आहेंल्यान नियाव किरेह?

मोठवायीन विरोद चेकचेल्या

13 मारी हुमलो तुमू जाज्यो केतेह, "आज नाहते काल आपु दिहरा गावाम जाईन एक वोरह्यो रेहु, एने काम केरीन फायदो कामावहु।" 14 एने ज्यो नाह जाणते काय हेकाले काय एण्यो हे। होमली ते लिवो, तुमरी जीवाय हेच काय? तुमू ते वाफ ने गेत हेते, जो थोड़ीक वार वोर देखाणे ओवतो आरताय जाणे। 15 ज्याह रेन दिहरो तुमूह ज्यो केणे जुवे, "केदी मालीक हुदे ते आपु जीवताला रेहु, एने ज्यो नाहते तो काम बी केरहु।" 16 पुण तुमू एवी तुमरी मोंज पोर मोठवाय केरतेह; पुण ओहलो सोब मोठवाय खाराब हे।

17 ज्यानकेरीन जो कुण हाजो केरने सोमजेह एने नाह किरेत, तान केरता तो पापान दोसी हे।