22 ୩:୨୨ ମାତିଉ ୯:୩୪; ୧୦:୨୫. ଆରେ, ଜିରୁସାଲମ୍ତାଂ ୱାଜ଼ି ମାନି ଦରମ୍ ଗୁରୁର୍ ଇଚାର୍, "ଇୱାନିଂ ବାଲ୍ଜିବୁଲ୍ ଲାଗା ଆତାତ୍ନ୍ନା, ଆରେ ମୁଡ଼୍ ପୁଦାଂତାଂ ଗାଜା ସାକ୍ତି ହେୱାନ୍ ପୁଦାଂ ପିହିକିନାନ୍ ।"
23 ଇବେଣ୍ଡାଂ ହେୱାନ୍ ହେୱାରିଂ ଲାଗେ କୁକ୍ଚି ଉତର୍ମୁଡ଼୍ କାତା ହେୱାରିଂ ଇଚାନ୍, "ସୟ୍ତାନ୍ ଇନେସ୍ କିଜ଼ି ସୟ୍ତାନ୍ତିଂ ପିହିିକିନାତ୍ ?" 24 ଜଦି ଇମ୍ଣି ରାଜି ବିନେ ଆଜ଼ି ନିଜ୍ତି ବିରୁଦ୍ତ ନିଙ୍ଗ୍ନାତ୍, ହେ ରାଜି ତିର୍ ଆଜ଼ି ମାଞ୍ଜେଙ୍ଗ୍ ଆଡୁତ୍ । 25 ଆରେ, ଜଦି ଇମ୍ଣି ଇଲ୍ ବିନେ ଆଜ଼ି ନିଜ୍ତି ବିରୁଦ୍ତ ନିଙ୍ଗ୍ନାତ୍, ବାଟିଙ୍ଗ୍ ହେ ଇଲ୍ ତିର୍ ଆଜ଼ି ମାଞ୍ଜେଙ୍ଗ୍ ଆଡୁତ୍ । 26 ହେ ଲାକେ, ସୟ୍ତାନ୍ନି ରାଜି ଜଦି ବିନେ ଆଜ଼ି ନିଜ୍ ବିରୁଦ୍ତ ନିଙ୍ଗ୍ତାତେ, ଲାଗିଂ ହେଦାଂ ତିର୍ ଆଜ଼ି ମାଞ୍ଜେଙ୍ଗ୍ ଆଡୁତ୍, ମାତର୍ ହେଦାଂ ୱିଜ଼ୁ ହାକି ଗିଟା ଆତାତେ ।
27 "ମାତର୍ ଇନେର୍ ପର୍ତୁମ୍ ସାକ୍ତି କାଟାକାନିଂ ଗାଚ୍ୱିତିସ୍ ହେୱାନ୍ ଇଞ୍ଜ ହଣ୍ଞ୍ଜି ହେୱାନ୍ତି ଆତ୍ ଆତିୟାର୍ କ୍ଡିସ୍ତେଙ୍ଗ୍ ଆଡୁନ୍; ହେୱାନିଂ ଆଗେ ଗାଚ୍ଚିସ୍ ହିନା ହେୱାନ୍ ତା ଇଞ୍ଜ ଚର୍ କିନାନ୍ ।"
28 "ଆନ୍ ମିଙ୍ଗେଙ୍ଗ୍ ହାତ୍ପା ୱେଚ୍ଚାନାଙ୍ଗା, ମାନାୟ୍ ମାଜ଼ିର୍ ୱିଜ଼ୁ ପାପ୍ ଆରି ହେୱାର୍ ୱିଜ଼ୁ କୁଟ୍ କାତା ଇଞ୍ଜି ଇସ୍ୱର୍ତିଂ ନିନ୍ଦା କିତାର୍, ହେ ୱିଜ଼ୁ କେମା କିୟାନାତ୍;୩:୨୮ ହେୱାର୍ ବାନ୍ୟା କାତା ଇଞ୍ଜେଙ୍ଗ୍ ଆଡ୍ନାର୍; ନଲେ ହେୱାର୍ ଇସ୍ୱର୍ ବିରୁଦ୍ତ ବାନ୍ୟା କାତା ଇଞ୍ଜେଙ୍ଗ୍ ଆଡ୍ନାର୍ । 29 ମାତର୍ ଜେ ଇନେର୍ ପୁଇପୁୟା ଜିବୁନ୍ତିଂ ବିରୁତ୍ତାଂ ନିନ୍ଦା କାତା ଇନାନ୍, ହେୱାନିଂ ଇମ୍ଣି ଜୁଗ୍ତପା କେମା ହିଲୁତ୍, ମାତର୍ ହେୱାନ୍ ୱିଜ଼୍ୱି ପାପ୍ତ ଦସିଆନାନ୍ ।" 30 ଦର୍ମ ସାସ୍ତର୍ "ହେୱାନିଂ ବାନ୍ୟାପୁଦା ଆସ୍ତାତ୍ନା, ଇଦାଂ ହେୱାର୍ ଇଚିଲେ ହେୱାନ୍ ଇ କାତା ଇଚାନ୍ ।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)