विश्वास आन ओकल
2 माआं पाव्हीइला, जाहां तुमाआं वाटे पोअ आखी बातीइ परिक्शा आवे, ताहां तियींहीं खुब खुसीइ गोठ होमजा. 3 याअकाजे तुमुहूं मुंदू होय के एहलिही परिक्शाम तुमाआं विश्वास फारकीइला वाअहीं धिर उत्पन्न ओवेहे. 4 पोन धिरोहो तियाआ काम पुरो कोअहूं द्या, काहाके तुमू पुरे आन पाक्के ओत जाअहूं जोवे, आन तुमामेहें कोड्लीज गोठीइ कमी ने पोड़ुहूं जोवे.
22 निस्ते वसन उनाअनारे एतेज मा, पोन तियाआ परमाणे सालनारे बोणा, नेत तेहें ने कोअहा ताहां तुमू सोताहा फोगे बोणतेहे. 23 काहाके जों कोडो वसन उनाइत लेहे, पोन तियाआ परमाणे नाहां सालतो, तों आऱ्ह्याम पालनारा एखा माहुंउं होस होय. 24 जों सोताआ सोब पालित लेहेन निहींत जाहे, पोन सेलवाआ तों केहलोहो ओतो तोंज विहीरात जाहे. 25 पोन जों माहुंउं सुटका आपनारा हारापुरा नियमोअ पालन कोअहे, आन वसन उनात कोइत विहीरात नाहां जातो, पोन तियाआ परमाणे सालेहे, तों माहुंउं जों बी काम आथे तोए तिहींम तियाहा आशिर्वाद जोड़े.