23 ဖြားဖြစ်ကြောန့်နူးဆိုဟှာ သခင်ဘုရားနားဟှ ငါခံယူရရှိဟှားဟှူ ဇာဟှို နန်းနို့လေဟှို ငါအပ်ပေးဟှယ်။ အယ်မူဇာဟှ သခင်ယေရှုဟှာ ရန်သူလေ လတ်ဟှို အပ်ရှင်းဟှို ခံတော်မူဟှူညဉ့်မာ မုဟှိုယူဘီး၊ 24 ကျေးဇူးတော်ဟှို ချီးမွမ်းဘီးမှ မုဟှိုဖဲ့ဘီးဟှာ "အယ်မုဟှာ နန်းနို့တွပ် ခ္လိုးဖဲ့ဟှူ ငါ့ရဲ့ ကိုယ်ခန္ဓာ ဖြစ်ဟှယ်။ ငါ့ဟှို အော့-က်မေ့ဟှို့တွပ် အယ်မျိုးပြုဂေ့ပါ" ဆိုဘီး မိန့်တော်မူဟှယ်။ 25 အယ်တိုင်းဘဲ့ ညဉ့်ဇာစားဘီးန ခွပ်ဟှိုလည်း ယူဘီးဟှာ "အယ်ခွပ်ဟှာ ငါ့သွီးနတည်ဟှူ ပဋိညာဉ် တရားသစ် ဖြစ်ဟှယ်။ အယ်ခွပ်ဟှို သော့-က်ဟှူ ခီတိုင်း ငါ့ဟှို အော့-က်မေ့ဟှို့တွပ် အယ်မျိုးပြုဂေ့ပါ" ဆိုဘီး မိန့်တော်မူဟှယ်။
26 အယ်ကြောန့် နန်းနို့လေဟှာ အယ်မုဟှို စားဘီး အယ်ခွပ်ဟှိုသော့-က်ဟှူခီတိုင်းမာ သခင်ဘုရားရဲ့ သေခံတော်မူဟှူကြောန်းဟှို ကြွလာဟှူခီထိ ကြေညာဟှူဇာဖြစ်ဟှယ်။