1 နန်းနို့ ရေးပေးလိုက်ဟှူ ကြောန်းရာန ပတ်သတ်ဘီး

ယော့-က်ကျားဟှာ အီထောန်ပြုဘဲ နေနိုင်မယ် ဆိုဟှာ ကောန်းဟှယ်။*၇.၁ ယော့-က်ကျားဟှာ အီထောန်ပြုဘဲ နေနိုင်မယ် ဆိုဟှာ ကောန်းဟှယ်၊ အယ်မျိုးမှုဘဲနေဟှာ ယော့-က်ကျားဟှာ အီထောန်ပြုဘဲန နေနိုင်မယ် ဆိုဟှာ ကောန်းဟှယ် ဆိုဘီး နန်ပြောဟှယ်။ 2 အယ်ဘေမဲ့ တရားဘဲဟှူ မေထုန်ပြုဟှူ ဇာလေ များနေဟှူကြောန့် ယော့-က်ကျားတိုင်း ကိုယ့်မယားရှိစေပါ။ မီးမတိုင်း ကိုယ့်လန်ရှိစေပါ။ 3 လန်ယော့-က်ကျားဟှာ ကိုယ့်မယားဟှို ပြုသင့်ဟှူ ဝတ်ဟှို ပြုရမယ်။ မယားဟှာလည်း ကိုယ့်လန်ဟှို ပြုသင့်ဟှူ ဝတ်ဟှို ပြုရမယ်။ 4 မယားဟှာ ကိုယ့်ကိုယ်ခန္ဓာဟှို ပိုင်ဟှ။ လန်ဟှဘဲ့ ပိုင်ဟှယ်။ အယ်မျိုးဘဲ့ လန်ဟှလည်း ကိုယ့်ကိုယ်ခန္ဓာဟှို ပိုင်ဟှ။ မယားဟှဘဲ့ ပိုင်ဟှယ်။ 5 နန်းနို့ဟှာ ဆုတောန်းဟှို့တွပ် ခီပေးဟှို့ ကြိုတန်‌ဘောတူချစ်ရ ရှစ်ဟှား ဆိုင်းငံ့ဟှားဇာဟှလွဲဘီး နန်းနို့ရဲ့ လန်မယားဝတ်ဟှို ပျစ်ကွပ်စေဂေ့န။ ဆုတောန်းဘီးဟှူ ခီမာ အီထောန်ရဲ့ ဆစ်ဆံရေးဟှို ပေါင်မှန်တိုင်း ပ္လန်နေဂေ့ပါ။ အယ်မျိုးမှဘဲ့ ကိုယ့်စိဟှို ချောက်ထီးနိုင်ဘီး စာတန်ရဲ့ သွီးဆောန်ဇာဟှို ခံနိုင်လေ့မယ်။

6 အယ်မျိုး ငါပြောဇာဟှာ နန်းနို့လေဟှို မိန့်ပေးဇာမှုဘဲန ခွမ့်ပေးဇာဘဲ့ ဖြစ်ဟှယ်။ 7 တကယ်ဘဲ့ လူတိုင်းဟှို ငါ့ဟှူမျိုးဘဲ့ ဖြစ်စေရှင်ဟှယ်။ အယ်ဘေမဲ့ လူယော့-က်ချင်းစီတိုင်းဟှာ ဘုရားသခင်ပေးဟှူ ဆုကျေးဇူးတော်ဟှို သီးသီးခံရဂေ့ဟှယ်။

8 အယ်မျိုးဖြစ်ကြောန့် အီထောန်မှေ့ဘဲသူလေန မောက်ဆိုးမလေဟှာ ငါ့ဟှူမျိုး တယော့-က်ဒဲ ဆစ်ဘီးနေနိုင်ဟှာ ကောန်းဟှယ်။ 9 အယ်ဘေမဲ့ ကိုယ့်ကိုယ်ကိုယ် ချောက်ထီးနိုင်ဘဲနေဟှာ အီထောန်ပြုဂေ့ပါ။ ကိလေသာစိဟှို ချောက်တီးနိုင်ဘဲနေဟှာ အီထောန်ပြုဟှူဇာဘဲ့ ပိုကောန်းလေ့မယ်။

10 ✝ ၇.၁၀,၁၁ မ ၅.၃၂; ၁၉.၉; မာ ၁၀.၁၁,၁၂; လု ၁၆.၁၈ အီထောန်ရှိဟှူသူလေဟှို ငါပညတ်ဟှူ ဇာလော့-က်မှုဘဲ သခင်ဘုရား ပညတ်ဇာဟှ မယားဟှာ ကိုယ့်ရဲ့ လန်န ကွာရှင်းစေန။ 11 အယ်ဘေမဲ့ ကွာရှင်းဟှယ် ဆိုဟှာ နော့-က်အီထောန်ယူဘဲန နေရမယ်။ အယ်မျိုးမှုဘဲနေဟှာ ကိုယ့်လန်န ပ္လန်ပေါန်းဘီး သင့်သင့်မြတ်မြတ် နေရမယ်။ လန်ဟှလည်းဘဲ့ ကိုယ့်မယားန ကွာစေန။

12 ခြားသူလေဟှို (သခင်ဘုရား ပညတ်ဇာမှုဘဲန) ငါပညတ်ဇာဟှ ယောင်ကြည်သူ ညီကိုတယော့-က်ဟှာ ယောင်ကြည်သူမှုဘဲဟှူ မယားရှိဟှယ် ဆိုဟှာ အယ်မီးမဟှ သူ့နဆစ်ဘီး ပေါန်းရှင်ဟှယ် ဆိုဟှာ သူ့ဟှို အယ်မီးမန ကွာစေန။ 13 အယ်မျိုးဘဲ့ ယောင်ကြည်သူ မီးမတယော့-က်ဟှာ မယောင်ကြည်ဘဲဟှူ လန်ရှိဟှယ် ဆိုဟှာ သူ့လန်ဟှ သူ့နဆစ်ဘီးပေါန်းရှင်ဟှယ် ဆိုဟှာ သူ့ဟှိုကွာစေန။ 14 ဖြားဖြစ်ကြောန့်နူးဆိုဟှာ ယောင်ကြည်သူမှုဘဲဟှူ လန်ယော့-က်ကျားဟှာ သူ့မယားတွပ် သန့်ရှင်းဟှယ်။ ယောင်ကြည်ဘဲဟှူ မယားဟှလည်း သူ့လန်တွပ် သန့်ရှင်းဟှယ်။ အယ်မျိုးမှုဘဲနေဟှာ နန်းနို့ရဲ့ သားမီးလေဟှာ ညစ်ညူးဂေ့လေ့မယ်။ အယ်ဘေမဲ့ ခု သူးနို့လေဟှာ သန့်ရှင်းဂေ့ဟှယ်။ 15 အယ်ဘေမဲ့လည်း ယောင်ကြည်ဘဲသူဟှာ ကွာရှင်းရှင်ဟှယ် ဆိုဟှာ ကွာရှင်းစေ။ အယ်မျိုး ကြောန်းရာဟှို ယောင်ကြည်သူ ညီကို မောန်နှမလေဟှာ လွတ်လွတ်လပ်လပ် ဝီးကော့-က်ခွမ့်ရှိဟှယ်။ ဘုရားသခင်ဟှာ နန်းနို့လေဟှို သင့်သင့်မြတ်မြတ်န ငြီးငြီးချမ်းချမ်းနေဂေ့ဟှို့တွပ် ခေါ်ဟှားဇာဖြစ်ဟှယ်။ 16 ဝှေ့မီးမ၊ နန်ဟှာ ကိုယ့်လန်ဟှို ကယ်တန်မယ် ကယ်တန်ဟှ ဆိုဇာဟှို ဖယ်မျိုး သိနိုင်နူး။*၇.၁၆ ဝှေ့မီးမ၊ နန်ဟှာ ကိုယ့်လန်ဟှို ကယ်တန်မယ် ကယ်တန်ဟှ ဆိုဇာဟှို ဖယ်မျိုး သိနိုင်နူး။ အယ်မျိုးမှုဘဲနေဟှာ နန်ဟှာ ကယ်တန်ခံရမယ် ကယ်တန်ခံရဟှ ဆိုဇာဟှို ဖယ်မျိုး သိနိုင်ဟှို့နူး။ ဝှေ့ယော့-က်ကျား၊ နန်ဟှာ ကိုယ့်မယားဟှို ကယ်တန်မယ်၊ ကယ်တန်ဟှ ဆိုဇာဟှို ဖယ်မျိုး သိနိုင်ဟှို့နူး။*၇.၁၆ ဝှေ့ယော့-က်ကျား၊ နန်ဟှာ ကိုယ့်မယားဟှို ကယ်တန်မယ်၊ ကယ်တန်ဟှ ဆိုဇာဟှို ဖယ်မျိုး သိနိုင်ဟှို့နူး၊ အယ်မျိုးမှုဘဲနေဟှာ နန်ဟှာ ကယ်တန်ခံရမယ် ကယ်တန်ခံရဟှ ဆိုဇာဟှို ဖယ်မျိုး သိနိုင်ဟှို့နူး။

17 လူသီးသီးလေဟှာ ကိုယ့်ဟှို သခင်ဘုရားပေးဟှူ ဆုကျေးဇူးတော်လေန ယော့-က်တိုင်းဟှို ဘုရားသခင်ခေါ်ဟှူ ခြေနေတိုင်းဘဲ့ သတ်ရှင်ပါစေ။ အယ်ဇာဟှာ သင်းတော်တိုင်းဟှို ငါ့ရဲ့မှာကြားချစ် ဖြစ်ဟှယ်။ 18 ရေဖျားလှီးရှင်းဟှို ခံဘီးသူဟှာ ဝီးကော့-က်ရှင်းခံရဟှယ် ဆိုဟှာ ရေဖျားလှီးရှင်းနဆိုင်ဟှူ မှတ်သားဟှို စွန့်ပစ်ဇာလိုဟှ။ ရေဖျားလှီးရှင်းဟှို ခံယူဘဲဟှူသူဟှာ ဝီးကော့-က်ရှင်းဟှို ခံရဟှယ် ဆိုဟှာ ရေဖျားလှီးရှင်းဟှို ခံယူဇာလိုဟှ။ 19 ရေဖျားလှီးရှင်းခံဟှူဇာ ခံဘဲဟှူဇာဟှဓိက မှုဟှ။ ဘုရားသခင်ရဲ့ ပညတ်တော်ဟှို စောန့်ထီးဟှူဇာဟှဘဲ့ ဓိကဖြစ်ဟှယ်။ 20 လူတိုင်း ဘုရားသခင်ရဲ့ ခေါ်ဟှားရှင်းခံရဟှူ ခြေနေမာဘဲ့ ဆစ်ဘီး ရှိနေပါစေ။ 21 ဝီးကော့-က်ခံရဟှူ ခီမာ နန်ဟှာ ကျွန်ဖြစ်ဟှယ် ဆိုဟှာ စိနှော့-က်ယှစ်ဖြစ်စေန။ အယ်ဘေမဲ့ လွတ်မြော့-က်ခွမ့်ရမယ် ဆိုဟှာ အယ်ခွမ့်ရေးဟှို သောင်းပြုပါ။*၇.၂၁ အယ်ဘေမဲ့ လွတ်မြော့-က်ခွမ့်ရမယ် ဆိုဟှာ အယ်ခွမ့်ရေးဟှို သောင်းပြုပါ၊ အယ်မျိုးမှုဘဲနေဟှာ အယ်ဘေမဲ့ နန်ဟှာ လွတ်မြော့-က်ဟှို့ ခွမ့်ရေးရမယ် ဆိုဟှာ နန့်ရဲ့ ကောန်းဆောင်း ခြေနေဟှို ဝီးကော့-က်ပါ။ 22 ဖြားဖြစ်ကြောန့်နူးဆိုဟှာ ကျွန်ဖြစ်ဟှူ ခီမာ သခင်ဘုရားနှိုက် ဝီးကော့-က်ခံရဟှူသူဟှာ သခင်ဘုရားအားဖြင့် လွတ်မြော့-က်ဟှူ သူဖြစ်ဟှယ်။ အယ်မျိုးဘဲ့ လူလွတ်ဖြစ်ဟှူ သူဟှာ သခင်ဘုရားရဲ့ ဝီးကော့-က်ရှင်းဟှို ခံရဟှူ ခီမာ ခရစ်တော်ရဲ့ ကျွန်ဖြစ်ဟှယ်။ 23 နန်းနို့လေဟှို ဘုရားသခင်ဟှာ ဖိုးခပေးဘီး ဝယ်ဟှားကြောန့် လူလေနားမာ ကျွန်ခံဂေ့န။ 24 ညီကို မောန်နှမလေ၊ နန်းနို့လေ ဝီးကော့-က်ရှင်း ခံရဟှူခီဟှ ခြေနေတိုင်းဘဲ့ ဘုရားသခင်န မိတ်သဟာယဖွဲ့ဘီး ဆစ်နေထိုင်ဂေ့ပါ။

25 အီထောန်ပြုဘဲသူလေန ပတ်သတ်ဘီး ပြောရမယ် ဆိုဟှာ သခင်ဘုရား ပညတ်ဟှားဟှူဇာ မှေ့ဘဲဟှူလည်းဘဲ့ သခင်ဘုရားရဲ့ ကရုဏာတော်ကြောန့် ယောင်ကြည်ထိုက်ဟှူ သူတယော့-က်နေန ငါ့ခံယူချစ်ဟှို ပြောရမယ် ဆိုဟှာ၊

26 ခု တွိကြောင်နေရဟှူ ခေတ်ဆိုးခါဆိုးဟှို ကေ့ဟှူဇာအားဖြင့် ယော့-က်ကျားတယာ့-က်ဟှာ အယ်ခြေနေတိုင်း ဆစ်ဘီးနေဟှူဇာဟှာ ပိုကောန်းလေ့မယ်။ 27 နန်ဟှာ အီထောန်ရှိဟှယ် ဆိုဟှာ ကိုယ့်မယားဟှို ခွာဟှို့ ကြံစည်န။ အီထောန်မှေ့ဘဲနေဟှာလည်း အီထောန်ပြုဟှို့တွပ် စဉ်းစားန။ 28 အယ်ဘေမဲ့ အီထောန်ပြုဟှယ် ဆိုဟှာလည်း ပြစ်ကျူးလွန်ဟှူဇာ မှုဟှ။ အီထောန်မှေ့ဘဲဟှူ မီးမပျိုဟှာ အီထောန်ပြုဟှယ် ဆိုဟှာ ပြစ်ကျူးလွန်ဇာ မှုဟှ။ အယ်ဘေမဲ့ အီထောန်သယ်လေ နေ့တိုင်း တွိကြောင်ရမယ့် ကိုယ်ကာယ ဆင်းရဲဒေါက်ခလေန နန်းနို့ဟှို လွတ်ကင်းစေရှင်ကြောန့် အယ်မျိုး ငါပြောရဇာဖြစ်ဟှယ်။

29 ညီကို မောန်နှမလေ၊ ငါဆိုလိုဇာဟှ ခီကာလ ကူဆောန်းဟှမယ် ဖြစ်ဟှူကြောန့် ခုခီဟှနေစဘီး မယားရှိဟှူသူဟှာ မယားမှေ့ဘဲသူမျိုး၊ 30 ငိုဟှူသူဟှလည်း ငိုဘဲဟှူမျိုး၊ ဝန်းသာဟှူသူဟှလည်း ဝန်းသာဘဲဟှူသူမျိုး၊ ပစ်စီးအောက်စာ ဝယ်ဟှူသူလည်း ဖယ်အောက်စာဟှိုမှ ပိုင်ဘဲဟှူမျိုး ဖြစ်ရမယ်။ 31 လောကအောက်စာ ဘဏ္ဍာဟှို သောင်းပြုဟှူ သူလေဟှာ သောင်းဘဲမျိုး ဖြစ်ရမယ်။ ဖြားဖြစ်ကြောန့်နူးဆိုဟှာ ခုလတ်ရှိ ကမ္ဘာဂီးဟှာ တာရှယ်ခံဟှို့ မှုဘဲကြောန့်ဖြစ်ဟှယ်။

32 ငါဟှာ နန်းနို့လေဟှို ပူပန်သောကန ကင်းစေရှင်ဟှယ်။ အီထောန်မှေ့ဘဲဟှူ ယော့-က်ကျားဟှာ သခင်ဘုရား နှစ်သက်ဟှူမှုဟှို လောက်ရှင်ကြောန့် သခင်ဘုရားရဲ့ မှုတော်ဟှိုဘဲ့ လေးနတ်ထားတတ်ဟှယ်။ 33 အယ်ဘေမဲ့ အီထောန်ရှိဟှူ ယော့-က်ကျားဟှာ သူ့မယားရဲ့ စိလိုဟှို လိုက်ဘီး လောကီရေးရာဟှိုဘဲ့ လေးနတ်ထားတတ်ဟှယ်။ 34 အယ်ကြောန့် သူဟှာ စိနှေ့ခွ ဖြစ်ရဟှယ်။ မီးမပျိုဟှာ သခင်ဘုရားဟှို သူ့ရဲ့ကိုယ်ခန္ဓာန စိဝိညာဉ်နှေ့ခုလောင်းဟှို သန့်ရှင်းမှုန ဆစ်ကပ်ရှင်ကြောန့် သခင်ဘုရားရဲ့ မှုတော်ဟှို လေးနတ်ထားတတ်ဟှယ်။ အယ်ဘေမဲ့ အီထောန်ရှင်မီးမဟှာ သူ့လန်နှစ်သက်အောန် စိဆန္ဒရှိကြောန့် လောကီမှုရာဟှိုဘဲ့ လေးနတ်ထားတတ်ဟှယ်။

35 အယ်မျိုး ငါပြောဇာဟှ နန်းနို့လေရဲ့ကျိုးဟှို လိုရှင်ကြောန့် ပြောဇာဖြစ်ဟှယ်။ နန်းနို့လေဟှို ချောက်ချယ်ရှင်ကြောန့် မှုဟှ။ နန်းနို့ဟှို မှန်းမှန်ကန်းကန် ပြုသင့်တိုင်း ပြုကျင့်ဟှို့တွပ်န သခင်ဘုရားရဲ့ မှုတော်ဟှို စိပါလတ်ပါ စေခံနိုင်ဂေ့ဟှို့တွပ် လိုလားကြောန့်ဖြစ်ဟှယ်။

36 စေ့စပ်ဟှားဘီးန အီထောန်ပြုဘဲန နေဟှို့တွပ် ဘောတူဘီး တိုင်တယ်ဟှားဟှူသူ နှေ့ယော့-က်န ပတ်သတ်ဘီး ပြောရမယ် ဆိုဟှာ ယော့က်ကျားဟှာ မီးမပျိုဟှို သူ့ရဲ့ ပြုမူပေါင်စံ သင့်တော်ဟှ ဆိုဘီး သိဟှူ ခီမာဘဲ့ဖြစ်ဖြစ်၊ ကိုယ့်စိဟှို ထီးချောက်နိုင်ဘဲဟှူ ခီမာဘဲ့ဖြစ်ဖြစ် အီထောန်ပြုရဟှယ်။ အယ်မျိုးပြုမယ် ဆိုဟှာ ပြစ် မှေ့ဟှ။*၇.၃၆ စေ့စပ်ဟှားဘီးန ... အယ်မျိုးပြုမယ် ဆိုဟှာ ပြစ် မှေ့ဟှ၊ အယ်မျိုးမှုဘဲနေဟှာ ယော့-က်ကျားန လတ်ထပ်ရသေးဘဲဟှူ မီးမပျိုဟှို သူဟှာ ပေါန်းဟှို့ သင့်တော်ဟှ ဆိုဘီး စိပိုင်းဖြတ်ဟှယ်။ အယ်ဘေမဲ့ အယ်မီးမပျိုဟှာ လတ်ထတ်ဟှို့ ရွယ်ရော့-က်ဟှားဘီ ဆိုဟှာ လတ်ထပ်ပေါန်းသင်းနိုင်ဟှယ်။ 37 အယ်ဘေမဲ့ ကိုယ့်စိနှလောင်း တည်ကြည်မှုရှိဘီး ပြုရှင်တိုင်း ပြုပိုင်ဟှူခွမ့်န ကိုယ်စိလိုဟှို ချောက်တီးနိုင်ဟှူ ခွမ့်ရှိဟှူကြောန့် အီထောန်ပြုဘဲန နေဟှို့တွပ်*၇.၃၇ အီထောန်ပြုဘဲန နေဟှို့တွပ်၊ အယ်မျိုးမှုဘဲနေဟှာ သူ့ရဲ့ သမီးဟှို လတ်ထပ်ခွမ့်ပေးဟှ။ စိနှလေင်းထဲမာ စီရင်ဆောင်းဖြတ်ဟှူသူဟှာ ပိုဘီး ကောန်းလေဟှယ်။ သူဟှာ အယ်မီးမပျိုဟှို လတ်ထပ်ဟှို့*၇.၃၇ အယ်မီးမပျိုဟှို လတ်ထပ်ဟှို့၊ အယ်မျိုးမှုဘဲနေဟှာ သူ့ဟှို လတ်ထပ်ခွမ့် ပြုလိုက်ဟှယ်။ လောင်းဝ ဆောင်းဖြတ်ဟန်း။ 38 အယ်ကြောန့် ကိုယ့်န စေ့စပ်ဟှားဟှူ မီးမပျိုဟှို လတ်ထပ်ဟှူသူ*၇.၃၈ လတ်ထပ်ဟှူသူ၊ အယ်မျိုးမှုဘဲနေဟှာ သူ့ရဲ့ သမီးဟှို လတ်ထပ်ဘဲန နေဟှူသူ။ဟှာ ကောန်းလေဟှယ်။ လတ်ထပ်ဘဲနနေဟှူ သူဟှာလည်း ပိုဘီး ကောန်းလေဟှယ်။

39 မီးမဟှာ သူ့ရဲ့လန် သတ်ရှင်နေဟှူ ခီကာလပတ်လောင်း တရားအားဖြင့် ချည်နှောန်မှုရှိနေဟှယ်။ လန်သေဟှားဟှယ် ဆိုဟှာ ကိုယ်လိုရှင်ဟှူတိုင်း သခင်ဘုရားအားဖြင့်ဘဲ့ တခြားသူရဲ့ မယားဖြစ်ဟှို့ ခွမ့်ရှိလေဟှယ်။ 40 အယ်ဘေမဲ့ သူဟှာ အီထောန်ပြုဘဲနေဇာဟှ ပိုဘီး မင်္ဂလာရှိဟှယ်ဆိုဘီး ငါခံယူဟှယ်။ ငါနှိုက်လည်း ဘုရားသခင်ရဲ့ ဝိညာဉ်တော်ရှိဟှယ် ဆိုဘီး ငါမှတ်ယူဟှယ်။