24 ပ္လေးပြိုင်ပွဲမာ လူလေ ဘောင်ဂီး ဝမ်ပြိုင် ဘေမဲ့လည်း တယော့-က်ဟှားဘဲ့ ဆုဟှို ရဟှယ် ဆိုဇာဟှို နန်းနို့လေ သိဂေ့ဟှလော။ အယ်မျိုးဖြစ်ကြောန့် နန်းနို့လေ ဆုဟှို ရဟှို့တွပ် ပ္လေးဂေ့ပါ။ 25 ပြိုင်ပွဲဝမ်ဟှို့တွပ် လေ့ကျင့်ဟှူ အားကစားသမားလေဟှာ ရာရာတိုင်းဟှို ချောက်တီးတတ်ဟှယ်။ အယ်သူလေဟှာ ညှိုးဘီး ပျစ်စီးတတ်ဟှူ ပန်းဦးရစ် သရဖူဟှို ရဟှို့တွပ် အယ်မျိုး ပြုနေဂေ့ဟှယ်။ နို့လေဟှာ ညှိုးဘီး ပျစ်စီးတတ်ဘဲဟှူ ပန်းဦးရစ် သရဖူဟှို ရဟှို့တွပ် အယ်မျိုး ပြုနေဂေ့ဇာ ဖြစ်ဟှယ်။ 26 အယ်ကြောန့် ငါပ္လေးဟှူ ခီမာ ခေဦးတည့်ရာဟှို ပ္လေးဟှူဇာ မှုဟှ။ ငါဟှာ လတ်ဝှေ့ထိုးဟှူ ခီမာ ထိုးချစ်ဟှို ချည်းနှီးထိုးဘဲဟှူ လတ်ဝှေ့ထိုးမားမျိုး ဖြစ်ဟှယ်။ 27 သူများလေဟှို သွန်သန်ဘီးမှ ငါကိုယ်တိုင် က္လရှောင်းဟှူသူ ဖြစ်ဘဲနေအောင် ငါဟှာ ကိုယ့်ရဲ့ ကိုယ်ခန္ဓာဟှို နှိစစ်ဘီး ပြင်ဆင်လေဟှယ်။
Publicidade