ကောလောသဲ 4

1 ✝ ၄.၁ ဧ ၆.၉ သခင်ဖြစ်ဟှူသူလေ၊ နန်းနို့လေရဲ့သခင်ဟှာ ကောန်းဂန်ဘောင်မာ ရှိတော်မူဟှယ် ဆိုဇာဟှို သိမှတ်ဘီး ဖြောန့်မတ်ဟှူတရားတိုင်း မှန်ကန်မျှတမှုအားဖြင့် ကိုယ့်ကျွန်လေဟှို ပြုဂေ့ပါ။

ညွှန်ကြားချစ်လေကြောန်း

2 ဆုတောန်းရှင်းဟှို မြဲဒမ်းပြုဘီး ကျေးဇူးချီးမွမ်းရှင်းအားဖြင့် ဒိဝိရိယရှိဂေ့ပါ။ 3 ဘုရားသခင်ဟှာ စကားတော်တွပ် ခွဗော့-က်ဟှို ဖွမ့်ပေးဟှားဘီး ခရစ်တော်ရဲ့ နတ်နဲဟှူရာလေဟှို ဟောပြောနိုင်ဟှို့ နို့လေတွပ်လည်း ဆုတောန်းပေးဂေ့ပါ။ ငါဟှာ အယ်မူနတ်နဲဟှူရာလေကြောန့် ထောန်က္လနေပါဟှယ်။ 4 အယ်မူနတ်နဲဟှူရာဟှို ဟောပြောသင့်ဟှူတိုင်း ရှင်းရှင်းလန်းလန်း ပြတ်ပြတ်သားသားန ငါဟောပြောနိုင်ဟှို့တွပ် ဆုတောန်းဂေ့ပါ။

5 ✝ ၄.၅ ဧ ၅.၁၆ ယောင်ကြည်ဘဲဟှူသူလေရှေ့မာ ဉာဏ်ပညာရှိရှိန ကျင့်ဆောန်ဘီးဟှာ ခီခါဟှို ကောန်းကောန်းသောင်းခ္လဂေ့ပါ။ 6 လူသီးသီးဟှို ဖယ်မျိုး ပ္လန်ပြောရမယ်ဆိုဇာဟှို သိနိုင်ဟှို့တွပ် နန်းနို့လေပြောဟှူစကားဟှာ ဆားဟှူမျိုး ရသာရှိဟှို့တွပ် မြဲဒမ်းမျစ်နှာသာရဘီး တင့်တယ်မှုရှိပါစေ။

နော့-က်ဆောင်း နှောက်ဆစ်ဟှူကြောန်း

7 ✝ ၄.၇ တ ၂၀.၄; ၂ တိ ၄.၁၂ ✝ ၄.၇,၈ ဧ ၆.၂၁,၂၂ သခင်ဘုရားနှိုက် သစ်စာရှိဟှူ မှုဆောန်၊ နို့လေရဲ့လောက်ဖော်ဆောန်ဖတ်ဖြစ်ဟှူ ငါရှစ်ရဟှူညီ တုခိတ်ဟှာ ငါ့နဆိုင်ဟှူ ကြောန်းရာရှိဟှူမျှဟှို နန်းနို့လေဟှို ပြောပြလေ့မယ်။ 8 သူ့ဟှို နန်းနို့နားဟှို လွှတ်လိုက်ဟှူကြောန်းရာဟှ နို့လေရဲ့ကြောန်းဟှို နန်းနို့သိရဟှို့တွပ်န သူဟှာ နန်းနို့လေရဲ့စိနှလောင်းဟှို နှစ်သိမ့်အားပေးဟှို့တွပ် ဖြစ်ဟှယ်။ 9 ✝၄.၉ ဖိလေ ၁၀–၁၂နန်းနို့ထဲဟှ တယော့-က်ဖြစ်ဟှူ၊ သစ်စာရှိဟှူသူ နို့လေရှစ်ရဟှူညီ ဩနေသိမ်လည်း သူ့နတူးဒူပါလာဟှယ်။ သူးနို့လေဟှာ အယ်ရပ်မာဖြစ်ပျစ်နေဟှူ ကြောန်းရာလေ ဂူလောင်းဟှို နန်းနို့လေဟှို ပြောပြလေ့မယ်။

10 ✝ ၄.၁၀ က တ ၁၉.၂၉; ၂၇.၂; ဖိလေ ၂၄; ခ တ ၁၂.၁၂,၂၅; ၁၃.၁၃; ၁၅.၃၇–၃၉ ငါ့နတူးဒူ ချောက်က္လခံနေရဟှူ အာရိတ္တာခု၊ ဗာနဗရဲ့တူ မာကုဟှားလေဟှာ နန်းနို့လေဟှို နှောက်ဆစ်လိုက်ပါဟှယ်။ သူဟှာ နန်းနို့နားဟှိုရော့-က်လာဟှူ ခီမာ ကြိုဆိုဂေ့ဟှို့တွပ် ညွှန်ကြားဟှူဇာလေဟှို နန်းနို့ရဂေ့ပီးဘီ ဖြစ်ဟှယ်။ 11 ယုတ္တုဆိုဘီးခေါ်ဟှူ ယေရှုဟှလည်း နန်းနို့လေဟှို နှောက်ဆစ်လိုက်ပါဟှယ်။ ရေဖျားလှီးဟှားဟှူသူလေထဲမာ အယ်လူသောင်းယော့-က်ဟှာ ဘုရားသခင်ရဲ့နိုင်ငံတော်တွပ် ငါ့ရဲ့ လောက်ဖော်ဆောန်ဖတ်ဖြစ်ဟှူ ယုဒလူမျိုး ယောင်ကြည်သူလေဖြစ်ဘီး၊ ငါ့ဟှို နှစ်သိမ့်အားပေးဟှူသူလေ ဖြစ်ဟှယ်။

12 ✝ ၄.၁၂ ကော ၁.၇; ဖိလေ 23 နန်းနို့လေထဲဟှဖြစ်ဟှူ ယေရှုခရစ်တော်ရဲ့ကျွန် ဧပဖြဟှာ နန်းနို့ဟှို နှောက်ဆစ်လိုက်ပါဟှယ်။ နန်းနို့လေဟှာ စောင်လင်ရင့်ကျတ်ဘီး၊ ဘုရားသခင်ရဲ့လိုတော်ဟှို ကူစင်အောန် လောက်ဆောန်နိုင်ဟှို့တွပ် သူဟှာ နန်းနို့တွပ် ခီတိုင်းမာ ကြိုးစားဘီးဟှာ ဆုတောန်းတတ်ပါဟှယ်။ 13 မှန်တကယ်ဘဲ့ သူဟှာ နန်းနို့လေဟှနေစဘီး လောဒိကိဗြို့န ဟေရပေါလိဗြို့မာရှိဟှူ သူလေတွပ် ရရာတိုင်း ကြိုးစားလောက်ဆောန်ဟှယ် ဆိုဇာဟှို ငါသတ်သေခံပါဟှယ်။ 14 ✝၄.၁၄ က ၂ တိ ၄.၁၁; ဖိလေ ၂၄; ခ ၂ တိ ၄.၁၀; ဖိလေ ၂၄နို့လေရှစ်ရဟှူ ဆေးဆရာလုကာန ဒေမဟှာ နန်းနို့လေဟှို နှောက်ဆစ်ဂေ့ဟှယ်။

15 လောဒိကိဗြို့ဟှ ညီကိုလေဖြစ်ဟှူ၊ နို့ဖန သူ့အီမာရှိဟှူ သင်းတော်*၄.၁၅ နို့ဖန သူ့အီမာရှိဟှူ သင်းတော်၊ တချို့ မူရင်းလတ်ရေးမူလေမာ နို့ဖန သူ့အီမာရှိဟှူ သင်းတော်၊ ဆိုဘီး ပါရှိဟှယ်။ဟှိုလည်း နှောက်ဆစ်ဂေ့ပါ။ 16 အယ်စာဟှို နန်းနို့လေဖတ်ဘီးမှ လောဒိကိဗြို့မာရှိဟှူ သင်းတော်ဟှိုလည်း ဖတ်စေဂေ့ပါ။ အယ်ဗြို့ဟှရဟှူ စာဟှိုလည်း နန်းနို့လေ ဖတ်ဂေ့ပါ။ 17 ✝၄.၁၇ ဖိလေ ၂အာခိပ္ပုဟှို "သခင်ဘုရား ပေးအပ်ခံရဟှူ ဓမ္မဆရာရဲ့ မှုတော်ဟှို ဆောင်းထိ ပ္လဲ့ဇောင်အောန် လောက်ဆောန်ပါ" ဆိုဘီး ပြောဂေ့ပါ။

18 ငါပေါလုဟှာ နန်းနို့တွပ် အယ်နှောက်ဆစ်စကားဟှို ငါ့လတ်န ရေးလိုက်ပါဟှယ်။ ငါခံရဟှူ တောက်နှောန်ရှင်းဟှို အော့-က်မေ့ဂေ့ပါ!

နန်းနို့လေမာ ဘုရားသခင်ရဲ့ ကျေးဇူးတော်ရှိပါစေ။