ယဇ်ပုရောဟိတ် မေလခိဇေဒက်ကြောန်း
1 အယ်မူ မေလခိဇေဒက်ဟှာ ရှာလင်မန်းဂီးဖြစ်ဘီး ဗြင့်ဆောင်းဖြစ်ဟှူ ဘုရားသခင်ရဲ့ ယဇ်ပုရောဟိတ်ဖြစ်ဟှယ်။ သူဟှာ မန်းဂီးလေးပါးဟှို စစ်နိုင်ဘီး ပ္လန်လာဟှူ အာဗြဟံဟှို ခရီးဦးကြိုပြုဘီးဟှာ ကောန်းဂျီးပေးဟှူသူ ဖြစ်ဟှယ်။ 2 အာဗြဟံဟှာ သူတိုက်ယူလာဟှူ အောက်စာပစ်စီးလေရဲ့ ဆယ်ဖို့တဖို့ဟှို သူ့ဟှို ပေးလှူလေဟှယ်။ (မေလခိဇေဒက် ဆိုဘီး ခေါ်ဟှူ နာမယ်ရဲ့ ဓိပါယ်ဟှာ "ဖြောန့်မတ်ရှင်းရဲ့ မန်းဂီး" ဖြစ်ဟှယ်။ သူဟှာ ရှာလင်ဗြို့ရဲ့ မန်းဂီးလည်း ဖြစ်ဟှူကြောန့် သူ့နာမယ်ဟှာ "ငြီသတ်ရှင်းရဲ့ မန်းဂီး" ဆိုဘီးလည်း ဓိပါယ်ရလေဟှယ်။) 3 သူ့မာ ဖလည်း မှေ့ဟှ။ မိလည်း မှေ့ဟှ။ ရှေးမျိုးရိုးစဉ်ဆစ်လည်း မှေ့ဟှ။ သတ်တာရဲ့ စလည်း မှေ့ဟှ။ ဆောင်းလည်း မှေ့ဘဲဟှ။ ဘုရားသခင်ရဲ့ သားတော်နတူဘီး ယဇ်ပုရောဟိတ်ရာမာ မြဲဒမ်း တည်လေဟှယ်။