လောကသားလေ ဝတ်ပြုကိုးကွယ်ဟှူကြောန်းန ကောန်းဂန်သားလေ ဝတ်ပြုကိုးကွယ်ဟှူကြောန်း
1 တနည်းဟှ ပထမပဋိညာဉ်တရားဟှာ ဝတ်ပြုရှင်းနဆိုင်ဟှူ စီရင်ပြဌာန်းချစ်ဘဲ့ဖြစ်ဖြစ်၊ လောကီ သန့်ရှင်းရာဌာနတော်နဖြစ်ဖြစ် စပ်ဆိုင်လေဟှယ်။ 2 ဖြားဖြစ်ကြောန့်နူးဆိုဟှာ တဲတော်ဟှို ပြင်ဆင်ရာမာ သန့်ရှင်းဆောင်းဌာန ဆိုဘီး ခေါ်ဟှူ ပထမခန်းထဲမာ ဆီမီးခေါင်၊ ဗွဲ၊ ရှေ့တော်မုန ပြင်ဆင်ဟှားလေဟှယ်။ 3 ဒုတိယ လိုက်ကာနော့-က်မာ ရရာတိုင်း သန့်ရှင်းဆောင်းတဲတော် ဆိုဘီး ခေါ်ဟှူ ခန်းရှိဟှယ်။ 4 အယ်ထဲမာ နံ့သာလေဟှို မီးရှို့ဟှူ ရွှေယဇ်ပလ္လင်န ရွှေနမွန်းမံဟှားဟှူ ပဋိညာဉ်သစ်တာရှိဟှယ်။ အယ်သစ်တာထဲမာ မန္နမုထဲ့ဟှားဟှူ ရွှေအိုး၊ ဖူးထွပ်ဟှူ အာရုန်ရဲ့လှံတံန ပဋိညာဉ် က္လော့-က်ပ္လားလေရှိဟှယ်။ 5 အယ်မူ သစ်တာထတ်မာ ဖောင်းကီးဟှူ ခေရုဗိမ်လေဟှာ ပြစ်ဖြေရာပလ္လင်ဟှို အောက်မိုးဟှားဂေ့ဟှယ်။ အယ်ရာလေဟှို ခု သေးသေချားချာ ပြောပြဟှို့ မရဟှ။
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)