လုကာ 1

မာရိရဲ့ ချီးမွမ်းချင်းကြောန်း

46 မာရိဟှ၊

"ငါ့ရဲ့ စိနှလောင်းဟှာ သခင်ဘုရားဟှို ချီးမွမ်းဘီး၊

47 ငါ့ရဲ့ ကယ်တန်ရှင် ဘုရားသခင်ကြောန့် ငါ့ရဲ့ ဝိညာဉ်ဟှာ ဝန်းသာအားရဘီး၊

48 ကိုယ်တော်ဟှာ သူ့စေခံရဲ့ နှိခ္လနေဇာဟှို အော့-က်မေ့တော်မူဘီ!

ခုဟှစဘီး လူလေ ဂူလောင်းဟှာ ငါ့ဟှို မင်္ဂလာရှိသူ ဆိုဘီး ခေါ်ဂေ့လေ့မယ်၊

49 ဖြားဖြစ်ကြောန့်နူးဆိုဟှာ တဂိုးန ပ္လဲ့ဇောင်တော်မူဟှူ ဘုရားသခင်ဟှ ရရာတိုင်း ကီးမားဇာလေဟှို ငါ့တွပ် ပြုတော်မူကြောန့် ဖြစ်ဟှယ်။

ဘုရားသခင်ရဲ့ နာမတော်ဟှာ သန့်ရှင်းတော်မူဘီး၊

50 မျိုးဆစ် ဆစ်ဘီးဆစ်

ကိုယ်တော့်ဟှို ကိုးကွယ်သူလေဟှို ကိုယ်တော်ဟှာ ကရုဏာဟှို ပြတော်မူဟှယ်။

51 ကိုယ်တော့် လတ်ရောင်းတော်ဟှို ဆန့်တန်းဘီး

သူးနို့စိနှလောင်းထဲဟှ ကြံစည်လေန မာနထောန်လွှားနေဟှူ လူလေဟှို ဖ္လဲဖ္လဲစင်စေမယ်။

52 မန်းဂီးလေဟှို သူးနို့ရာဇပလ္လင်ထတ်ဟှ ခ္လဘီးန

နှိခ္လဟှူ လူလေဟှို မ္လော့-က်စားတော်မူဟှယ်။

53 ငတ်နေဟှူ လူလေဟှို ကောန်းဟှူ ဇာလေန ကျွေးဘီးန

ကြွယ်ဝဟှူ လူလေဟှို လတ်ခဲခဲ လွှတ်လိုက်တော်မူဟှယ်။

54 ကိုယ်တော်ဟှာ နို့လေရဲ့ ဘိုးဘေးလေဟှို ပေးဟှားဟှူ ဂဒိတော်တိုင်း

ကိုယ်တော်ရဲ့ စေခံဖြစ်ဟှူ ဣသရေလလူမျိုးဟှို ကရုဏာပြဟှို့ ကြွလာတော်မူဟှယ်။

55 ကိုယ်တော်ဟှာ အာဗြဟံန သူ့မျိုးနွယ် ဂူလောင်းဟှို ကရုဏာ ကျေးဇူးတော်ဟှို

မြဲဒမ်းပြဟှို့ အော့-က်မေ့တော်မူဘီး!" ဆိုဘီး ပြောလေဟှယ်။