လုကာ 1

59 ရှစ်ရစ်ပ္လဲ့ဟှူ ခီမာ သူးနို့ဟှာ သားဂန်းရဲ့ ရေဖျားလှီးဟှို့ လာဂေ့ဘီးန သူးနို့ဟှာ သူ့ဖရဲ့ နာမယ်တိုင်း ဇာခရိ ဆိုဘီး နာမယ်ပေးလေဟှယ်။ 60 အယ်ဘေမဲ့ သူ့မိဟှ "အယ်နာမယ် ပေးန! သူ့နာမယ်ဟှို ယောဟန် ဆိုဘီး ပေးရမယ်" ဆိုဘီး ပြောလေဟှယ်။

61 သူးနို့ဟှ "ယောဟန်နာမယ်န နန်းနို့ဆွေမျိုးထဲမာ မှေ့ဟှ!" ဆိုဘီး သူ့ဟှို ပြောလေဟှယ်။ 62 အယ်ဘီးန သူးနို့ဟှာ သူ့ဖဟှို လတ်ရိလတ်ခေပြဘီး သားဂန်းနာမယ်ဟှို ဖယ်မျိုးပေးရဟှို့ ဆိုဘီး မေးဟှယ်။

63 ဇာခရိဟှာ သန်းဖူးကီးဟှို တောန်းဘီးန "သားဂန်းဟှား နာမယ်ဟှာ ယောဟန် ဖြစ်ဟှယ်" ဆိုဘီး ရေးပေးလိုက်ဟှယ်။ သူးနို့ ဂူလောင်းဟှာ အံ့ဩဟှားဂေ့ဟှယ်!