လုကာ 13

12 ယေရှုဟှာ သူ့ဟှို ဗြင်ဟှူ ခီမာ ရှေ့တော်ဟှို ခေါ်ဘီး "ဝှေ့ မီးမ၊ နန့်ရောဂါ ပျော့-က်ဟှားဘီ!" ဆိုဘီး မိန့်တော်မူလေဟှယ်။ 13 အယ်ဘီးန ကိုယ်တော်ဟှာ သူ့ထတ်မာ လတ်ဟှို တန်လိုက်ဟှူ ခီမာ ရှစ်ရှင်းဘဲ့ သူ့ရဲ့ခါးဟှာ ဆန့်ဟှားဘီး ဘုရားသခင်ဟှို ချီးမွမ်းလေဟှယ်။

14 ဒန်းနေ့မာ ယေရှုဟှာ ရောဂါပျော့-က် စေတော်မူဟှူကြောန့် ဝါလယ်ဇရပ်မှူးဟှာ စိဆိုးဘီး လူလေဟှို "လောက်လောက်နိုင်ဟှူရစ် ခြော့-က်ရစ်ရှိဟှယ်။ အယ်ရစ်လေမာ ရောဂါလာကုဂေ့။ ဒန်းနေ့မာ ရောဂါလာကုဂေ့န!" ဆိုဘီး ပြောလေဟှယ်။

15 သခင်ဘုရားဟှာ သူ့ဟှို "သူတော်ကောန်း ယောန်ဆောန်ဟှူသူလေ! နန်းနို့ ဂူလောင်းဟှာ ဒန်းနေ့မာ နန်းနို့ရဲ့ မြည်းလေ၊ နွားလေဟှို တင်းကုပ်ဟှနေ ကြိုးဖြေပေးဘီး ရေတိုက်ဟှို့ ခေါ်ဆောန်ဂေ့ဟှယ် မှုဟှလော။ 16 အယ်မျိုးဆိုဟှာ ဆယ့်ရှစ်နှစ် လောင်းလောင်း စာတန်ရဲ့ တောက်နှောန်ရှင်းဟှို ခံနေရဟှူ အာဗြဟံရဲ့ သမီးဟှို ဒန်းနေ့မာ ဖြေလွှတ်သင့်ဟှယ် မှုဟှလော။" ဆိုဘီး မိန့်တော်မူလေဟှယ်။