ပျော့-က်နေဟှူ သားကြောန်း
11 ယေရှုဟှာ ဆစ်ဘီး "လူတယော့-က်မာ သားနှေ့ယော့-က် ရှိဟှယ်။ 12 သားငယ်ဟှ ဖဟှို ‘ဖ၊ နို့ရဲ့ မွီလေဟှို ပေးပါ’ ဆိုဘီး တောန်းလေဟှယ်။ အယ်ကြောန့် ဖဟှ သူ့ရဲ့ မွီအောက်စာလေဟှို သားနှေ့ယော့-က်ဟှို ခွဲဝီပေးလိုက်ဟှယ်။ 13 ရစ်နဲနဲကြာဘီးန သားငယ်ဟှာ သူ့ရဲ့ မွီအောက်စာလေဟှို ရောန်းခ္လဘီး ကပ်ထုန အီထတ်ဟှနေ ဆင်းဟှားဟှယ်။ သူဟှာ ဟှိုးဝီးဂီးမာရှိနေဟှူ တိုင်းပြည်ဟှို သွားဘီး အယ်နေရာမာ ဗရမ်းဗဒါသတ်ရှင်ဘီးဟှာ သူ့ကပ်လေဟှို ဖြုန်းစားပစ်လေဟှယ်။ 20 အယ်ကြောန့် သူဟှာ ထဘီး ဖနားဟှို ပ္လန်ဟှားဟှယ်။
"သူဟှာ ဟှိုးဝီးမာရှိနေဒူးမာ သူ့ရဲ့ဖဟှ သားဟှို ဗြင်လိုက်ဟှူ ခီမာ သနားစိ ဖြစ်လာဟှူကြောန့် ပ္လေးလာဘီး၊ သူ့ဟှို ပိုက်ဘီး နမ်းလေဟှယ်။ 22 အယ်ဘေမဲ့ ဖဟှ စေခံလေဟှို ခေါ်လိုက်ဘီး ‘ဗြန်းဗြန်လောက်! ကောန်းဆောင်း ဝတ်လောင်ရှယ်ဟှို ယူလာဘီးဟှာ သူ့ဟှို ဝတ်ပေးဂေ့။ သူ့လတ်မာ လတ်စွပ်ဟှို စွပ်ပေးဘီး သူ့ရဲ့ခေမာ ခေနပ်ဟှို စီးပေးဂေ့။ 24 ဖြားဖြစ်ကြောန့်နူးဆိုဟှာ ငါ့သားဟှာ ရင်းရင်ဒူးဟှ သေဟှားဘေမဲ့ ခုပ္လန်ရှင်ဟှားဘီ။ ရင်းရင်ဒူးဟှ ပျော့-က်ဟှားဘေမဲ့ ခုပ္လန်တွိဟှားဘီ’ ဆိုဘီး ပြောလေဟှယ်။ အယ်ဘီးန စားသော့-က်ဗွဲဂီးဟှို စပြုဂေ့လေဟှယ်။"