ဖာရိရှဲန ခွန်ကော့-က်မား ပေါင်ဥပမာ
9 ကိုယ့်ဖြောန့်မတ်ရှင်းဟှို အားကိုးဘီး တပါးသူဟှို ထန်သေးတတ်ဟှူ သူလေတွပ် ယေရှုဟှာ အယ်ပေါင်ဥပမာန မိန့်တော်မူလေဟှယ်။ 10 "တခါဒူးဟှ လူနှေ့ယော့-က်ဟှာ ဆုတောန်းဟှို့ ဆိုဘီး ဗိမာန်တော်ဟှို သွားဂေ့ဟှယ်။ တယော့-က်ဟှ ဖာရိရှဲ ဖြစ်ဘီး နော့-က်တယော့-က်ဟှ ခွန်ကော့-က်မား ဖြစ်ဟှယ်။ 11 ဖာရိရှဲဟှာ မတ်တတ်ရပ်ဘီး ‘ဘုရားသခင်၊ ကျွန်တော်ဟှာ တခြားသူလေမျိုး လောဘကီးဟှူသူ၊ ဖြောန့်မတ်ဘဲဟှူသူ၊ အီထောန်ရေးဖော့-က်ပ္လန်ဟှူသူ မုဘဲဟှူကြောန့် ကျေးဇူးတန်ဟှယ်။ ကျွန်တော်ဟှာ အယ်ခွန်ကော့-က်မားမျိုးလည်း မုဘဲဟှူကြောန့် ကိုယ်တော့်ဟှို ကျေးဇူးတန်ဟှယ်’ ဆိုဘီး ဆုတောန်းလေဟှယ်။ 12 ‘ကျွန်တော်ဟှာ တဘတ်မာ နှေ့ရစ်စာရှောန်ဘီး ကျွန်တော့်ဝမ်ငွေ ဂူလောင်းရဲ့ ဆယ်ဖို့တဖို့ဟှိုလည်း ပေးဟှယ်’ ဆိုဘီး ဆုတောန်းလေဟှယ်။ 13 အယ်ဘေမဲ့ ခွန်ကော့-က်မားဟှာ ဝီးမာဘဲ့ရပ်နေဘီး ကောန်းဂန်ဟှိုလည်း မော်ကေ့ရဲဘဲန ‘ဘုရားသခင်၊ ပြစ်သား ကျွန်တော့်ဟှို သနားတော်မူပါ!’ ဆိုဘီး ရင်ဖတ်ဟှို ထုဘီးဟှာ ဆုတောန်းလေဟှယ်။ 14 ၁၈.၁၄ မ ၂၃.၁၂; လု ၁၄.၁၁နန်းနို့ဟှို ငါပြောမယ်၊ အယ်ခွန်ကော့-က်မားဟှာ ဘုရားသခင်ရှေ့မာ သူတော်ကောန်းဖြစ်န အီဟှို ပ္လန်ဟှားရဟှယ်။ ဖာရိရှဲဟှ အယ်မျိုးမှုဟှ။ ဖြားဖြစ်ကြောန့်နူးဆိုဟှာ သူ့ကိုယ်သူ ချီးမြှော့-က်ဟှူသူဟှာ နှိခ္လခံရဘီး သူ့ကိုယ်သူ နှိခ္လဟှူသူဟှာ ချီးမြှော့-က်ရှင်းခံရလေ့မယ်" ဆိုဘီး မိန့်တော်မူလေဟှယ်။
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)