Mateus 13

ပိုက်ကွန် ပေါင်ဥပမာကြောန်း

47 "အယ်ဘီးဟှာ ကောန်းဂန်နိုင်ငံတော်ဟှာ ပန်လယ်ထဲဟှ ငါးလေဟှို ဖမ်းဟှူပိုက်ကွန်နတူလေဟှယ်။ 48 ပိုက်ကွန်ထဲမာ ငါးလေပ္လဲ့ဟှားခီမာ ငါးဖမ်းမားလေဟှ ကူးထပ်ဟှို ဆွဲဒန်ဘီး ကောန်းဟှူငါးလေဟှို တောန်းထဲမာ ဝီးထဲ့ဘီးဟှာ ကောန်းဘဲဟှူငါးလေဟှို ပ္လန်ဟှို ပစ်ထုလိုက်ဂေ့ဟှယ်။ 49 အယ်မူတိုင်းဘဲ့ ကပ်ကမ္ဘာကူဆောင်းဟှူ ခီမာ ကောန်းဂန်တမန်လေ ဆင်းလာဘီး ဖြောန့်မတ်ဟှူသူလေထဲဟှ ဆိုးယောက်ဟှူသူလေဟှို ခွဲထုဘီးဟှာ 50 တော့-က်လောန်နေဟှူ မီးဖိုထဲဟှို ပစ်ခ္လလေ့မယ်။ အယ်သူလေဟှာ အံသွားခဲက္လိဘီး ငိုကြွေးရဂေ့လေ့မယ်" ဆိုဘီး မိန့်တော်မူလေဟှယ်။