မဿဲ 16

နိမိတ်လတ်ခဏာဟှို တောန်းဆိုဟှူကြောန်း

1 ✝ ၁၆.၁ မ ၁၂.၃၈; လု ၁၁.၁၆ ဖာရိရှဲတချို့န ဇဒ္ဒုကဲတချို့ဟှာ ယေရှုဟှို စမ်းသပ်ရှင်ဂေ့ဟှူကြောန့် နားဟှို လာဂေ့ဘီးဟှာ "ကောန်းဂန်ဘောင်ဟှ နိမိတ်လတ်ခဏာဟှို ပြပေးတော်မူပါ" ဆိုဘီး တောန်းဆိုဂေ့လေဟှယ်။ 2 အယ်ဘေမဲ့ ယေရှုဟှ "နန်းနို့လေဟှာ နေဝမ်ဟှူ ခီမာ ‘ကောန်းဂန်ဟှာ နီနေဟှယ် ဆိုဟှာ ရာသီဥတု သာယာလေ့မယ်’ ဆိုဘီး ပြောတတ်လေဟှယ်။ 3 အယ်ဘီးဟှာ မိုးလန်းစောစောဂီးမာလည်း ‘ကောန်းဂန်ဟှာ နီဘီး မှောန်နေကြောန့် အယ်နေ့ မုန်တိုင်းတိုက်လေ့မယ်’ ဆိုဘီး ပြောတတ်ဂေ့လေဟှယ်။ နန်းနို့လေဟှာ ကောန်းဂန် ခြေနေကေ့ဘီးဟှာ ရာသီဥတုဟှို ခန့်မှန်းနိုင်ဟှယ်။ အယ်ဘေမဲ့ နန်းနို့ဟှာ အယ်ကပ်ကာလရဲ့ နိမိတ်လတ်ခဏာလေဟှို ပိုင်းခြားနိုင်ဂေ့ဟှ!*၁၆.၃ အချို့ မူရင်းလတ်ရေးမူလေမာ ခန်းငယ် ၂–၃ မာ ယေရှုရဲ့ စကား မှေ့ဟှ။ 4 ✝၁၆.၄ မ ၁၂.၃၉; လု ၁၁.၂၉ဆိုးညစ်ဘီး ဖောက်ပ္လန်ဟှူအမျိုးဟှာ နိမိတ်လတ်ခဏာ တောန်းဟှူလည်းဘဲ့၊ ယောနရဲ့ နိမိတ်လတ်ခဏာဟှလွဲဘီး ဖယ်မျိုးနိမိတ်လတ်ခဏာလေဟှိုမှ ပြဟှို့မှုဟှ!" ဆိုဘီး မိန့်တော်မူလေဟှယ်။

အယ်ဘီးန ကိုယ်တော်ဟှာ အယ်သူလေနားဟှနေ ထွပ်ဟှားလေဟှယ်။

ဖာရိရှဲန ဇဒ္ဒုကဲလေရဲ့ တဆေးကြောန်း

5 တဗဲ့တော်လေဟှာ အိုင်ရဲ့ဟှို့ဖတ်ကမ်းဟှို ကူးဟှားခီမာ စားဇာလေဟှို ယူလာဟှို့တွပ် မေ့ဟှားဂေ့လေဟှယ်။ 6 ✝၁၆.၆ လု ၁၂.၁ယေရှုဟှ "နန်းနို့လေဟှာ ဖာရိရှဲန ဇဒ္ဒုကဲလေရဲ့ တဆေးဟှို ဒိထားဘီး ရှောန်ဂေ့ပါ" ဆိုဘီး မိန့်တော်မူလေဟှယ်။

7 တဗဲ့တော်လေဟှာ "နို့လေဟှာ စားဇာသယ်လာဘဲဟှိကြောန့် အယ်မျိုး မိန့်တော်မူဇာဖြစ်ဟှယ်" ဆိုဘီး သူးနို့ရှင်းရှင်း ပြောဆိုဂေ့လေဟှယ်။

8 အယ်မျိုး ပြောနေဂေ့ဟှူဇာဟှို ယေရှုသိတော်မူဟှူ ခီမာ "ယောင်ကြည်ရှင်း အားနဲဟှူလူလေ! နန်းနို့လေဟှာ စားဇာပါလာဘဲဟှူ ကြောန်းဟှို ဖြားဖြစ်ကြောန့် ဆွေးနွေး ပြောဆိုနေဂေ့နူး။ 9 ✝၁၆.၉ မ ၁၄.၁၇–၂၁နန်းနို့လေဟှာ ခုခီထိ နားလည်သေးဟှလော။ မုငါးလောင်းဟှို လူ ၅,၀၀၀ စားဘီး၊ ဖယ်လော့-က်တောန်း ကော့-က်သီးရဂေ့ဟှူဇာန၊ 10 ✝၁၆.၁၀ မ ၁၅.၃၄–၃၈မုခွန်နစ်လောင်းဟှို လူ ၄,၀၀၀ စားဘီး၊ ဖယ်လော့-က်တောန်း ကော့-က်သီးရဟှူဇာဟှို မှတ်မိဂေ့ဟှမ်းလော။ 11 မုကြောန်းဟှို နန်းနို့လေဟှို ပြောနေဇာ မှုဟှ ဆိုဇာဟှို ဖြားဖြစ်ကြောန့် နန်းနို့နားလည်ဂေ့ဘဲနေနူး၊ ဖာရိရှဲန ဇဒ္ဒုကဲလေရဲ့ တဆေးဟှို ဒိနရှောန်ဂေ့!" ဆိုဘီး မိန့်တော်မူဟှယ်။

12 အယ်ဘီးန တဗဲ့တော်လေဟှာ မုမာသောင်းပြုဟှူ တဆေးဟှို ရှောန်ရဟှို့မှုဘဲန ဖာရိရှဲန ဇဒ္ဒုကဲလေရဲ့ ဩဝါဒဟှို ဒိထားဟှို့ မိန့်တော်မူကြောန်း နားလည်ဟှားဂေ့ဟှယ်။

ယေရှုဟှာ ခရစ်တော်ဖြစ်ကြောန်းဟှို ပေတရုဝန်ခံဟှူကြောန်း

13 ယေရှုဟှာ ကဲသရိဖိလိပ္ပိနယ်ဟှို ကြွဟှားဘီး အယ်နေရာမာ တဗဲ့တော်လေဟှို "လူလေဟှာ လူ့ရဲ့သားဟှို ဖယ်သူဖြစ်ဟှယ် ဆိုဘီး ပြောဆိုဂေ့နူး" ဆိုဘီး မေးတော်မူလေဟှယ်။

14 ✝ ၁၆.၁၄ မ ၁၄.၁,၂; မာ ၆.၁၄,၁၅; လု ၉.၇,၈ "တချို့လူလေဟှ ကိုယ်တော်ဟှာ ဗတ္တိဇံယောဟန်ဖြစ်ဟှယ်။ တချို့ဟှ ဧလိယဖြစ်ဟှယ်။ တချို့လေဟှ ယေရမိ မှုဘဲနေဟှာ ပရောဖက်ဖြစ်ဟှယ် ဆိုဘီး ပြောဂေ့ပါဟှယ်" ဆိုဘီး လျှော့-က်ဂေ့လေဟှယ်။

15 ကိုယ်တော်ဟှ "နန်းနို့လေဟှမား ငါ့ဟှို ဖယ်သူဖြစ်ဟှယ် ဆိုဘီး ပြောဂေ့နူး" ဆိုဘီး မေးတော်မူဟှယ်။

16 ✝ ၁၆.၁၆ ယော ၆.၆၈,၆၉ ရှိမုန်ပေတရုဟှ "ကိုယ်တော်ဟှာ သတ်ရှင်တော်မူဟှူ ဘုရားသခင်ရဲ့ သားတော်ဖြစ်ဟှူ ခရစ်တော်ဖြစ်ပါဟှယ်" ဆိုဘီး လျှော့-က်ဟှယ်။

17 ယေရှုဟှ "ယောနရဲ့သားရှိမုန်! နန်ဟှာ မင်္ဂလာရှိလေဟှယ်။ ဖြားဖြစ်ကြောန့်နူးဆိုဟှာ အယ်မူဇာဟှို ဇာတိသွီးသားဟှ နန့်ဟှို ဖွမ့်ပြလိုက်ဇာ မှုဟှ။ ကောန်းဂန်ဘောင်မာ ရှိတော်မူဟှူ ငါ့ဖဟှာ ဖွမ့်ပြတော်မူဟှယ်။ 18 အယ်ကြောန့် ငါပြောမယ်၊ နန်ဟှာ ပေတရု ဖြစ်ဟှယ်။ အယ်က္လော့-က်ထတ်မာ ငါ့သင်းတော်ဟှို ငါတည်ဆော့-က်မယ်။ မရဏာနိုင်ငံရဲ့ ခွဗော့-က်ဝဟှာ အယ်သင်းတော်ဟှို နိုင်စေရဟှ။ 19 ✝၁၆.၁၉ မ ၁၈.၁၈; ယော ၂၀.၂၃ငါဟှာ နန့်ဟှို ကောန်းဂန်နိုင်ငံရဲ့ သော့လေဟှို ပေးအပ်မယ်။ နန်ဟှာ မ္လေဂီးမာ ချည်နှောန်ဟှူမျှဟှို ကောန်းဂန်မာ ချည်နှောန်ခံရလေ့မယ်။ မ္လေဂီးမာ ဖြေလွှတ်ဟှူမျှဟှို ကောန်းဂန်မာ ဖြေလွှတ်ခံရလေ့မယ်" ဆိုဘီး မိန့်တော်မူလေဟှယ်။

20 အယ်ဘီးန ယေရှုဟှ မိမိဟှာ ခရစ်တော် ဖြစ်ဟှယ် ဆိုဇာဟှို ဖယ်သူလေဟှိုလည်း ပြောဘဲဟှို့တွပ် တဗဲ့တော်လေဟှို မိန့်ပေးလေဟှယ်။

ကိုယ်တော်ရဲ့ ဝေဒနာန သေခံရဟှူကြောန်း

21 ယေရှုဟှ "ငါဟှာ ယေရုရှလင်ဗြို့ဟှို သွားရမယ်။ အယ်ဘီးဟှာ ဘာသာရေး ခေါန်းဆောန်လေ၊ ယဇ်ပုရောဟိတ်ဂီးလေန ကျမ်းပြုဆရာလေရဲ့ လတ်မာ ဝေဒနာဘောင်ဂီး ခံရလေ့မယ်။ ငါဟှာ သေသတ်ခံရလေ့မယ်။ အယ်ဘေမဲ့ သောင်းရစ်မြော့-က်ဟှူ နေ့မာ ထမြော့-က်လေ့မယ်" ဆိုဘီး အယ်ခီဟှနေစဘီး တဗဲ့တော်လေဟှို ဖော်ပြလေဟှယ်။

22 ပေတရုဟှ ကိုယ်တော့်ဟှို ဘေးနားဟှို ခေါ်ဘီးဟှာ "သခင်၊ အယ်မျိုးမှုရာလေဟှို ကိုယ်တော်နလွဲပါစေ! ကိုယ်တော့်ဟှို အယ်မျိုးမှုရာလေ လောင်းဝဖြစ်ပါစေန!" ဆိုဘီး ပြစ်တန်ဘီး ပြောလေဟှယ်။

23 ယေရှုဟှ လှည့်ကေ့ဘီး ပေတရုဟှို "စာတန်၊ ငါ့နော့-က်ဟှိုဆို့! နန်ဟှာ ငါ့တွပ် ထိမိဘီးလဲဇာ ဖြစ်ဟှယ်။ ဖြားဖြစ်ကြောန့်နူးဆိုဟှာ နန်ဟှာ ဘုရားသခင်နဆိုင်ဟှူဇာလေဟှို စိစွဲလမ်းဘဲန မ္လေဂီးနဆိုင်ဟှူဇာလေဟှိုဘဲ့ စိစွဲလမ်းဟှယ်" ဆိုဘီး မိန့်တော်မူလေဟှယ်။

24 ✝ ၁၆.၂၄ မ ၁၀.၃၈; လု ၁၄.၂၇ အယ်ဘီးန ယေရှုဟှ တဗဲ့တော်လေဟှို "ဖယ်သူဘဲ့ဖြစ်ဖြစ် ငါ့နော့-က်ဟှို လိုက်ရှင်ဟှယ် ဆိုဟှာ ကိုယ့်ကိုယ်ကိုယ် ငြင်းပယ်ရမယ်။ ကိုယ့်ရဲ့ လတ်ဝါးကပ်တိုင်ဟှို ထမ်းဘီးဟှာ ငါ့နော့-က်ဟှို လိုက်ရမယ်။ 25 ✝၁၆.၂၅ မ ၁၀.၃၉; လု ၁၇.၃၃; ယော ၁၂.၂၅ဖယ်သူဘဲ့ဖြစ်ဖြစ် သူ့ရဲ့သတ်ဟှို ကယ်တန်ရှင်ဟှယ် ဆိုဟှာ သတ်ရှောင်းရလေ့မယ်။ အယ်ဘေမဲ့ ဖယ်သူဘဲ့ဖြစ်ဖြစ် ငါ့တွပ်န သတ်ရှောင်းဟှယ် ဆိုဟှာ သတ်ဟှို ရလေ့မယ်။ 26 လူဟှာ လောက တခုလောင်းဟှို ရရှိဟှူလည်းဘဲ့ သူးနို့ရဲ့ သတ်ဝိညာဉ် ဆောင်းရှောင်းဟှားမယ် ဆိုဟှာ ဖြားကျိုးရှိမယ်နူး။ သူးနို့ဟှာ ဖြားဇာလေဟှို ပေးဘီး သူးနို့ရဲ့ သတ်ဟှို ပ္လန်ဝီးနိုင်မယ်နူး။ 27 ✝၁၆.၂၇ က မ ၂၅.၃၁; ခ ရော ၂.၆ဖြားဖြစ်ကြောန့်နူးဆိုဟှာ လူ့ရဲ့သားဟှာ သူ့ရဲ့ ကောန်းဂန်တမန်လေနတူးဒူ သူ့ဖရဲ့ ဖောင်းသရေတော်ဟှို ဆောန်ဘီးဟှာ ကြွလာတော်မူလေ့မယ်။ အယ်ဘီးဟှာ လူယော့-က်စီတိုင်းဟှာ သူးနို့ရဲ့ လောက်ဆောင်ဟှားတိုင်း ကျိုးပြစ်ဟှို ပေးတော်မူလေ့မယ်။ 28 နန်းနို့လေဟှို ငါ မှန်ပြောမယ်၊ အယ်နေရာမာ ရပ်နေဟှူ လူလေထဲမာ လူသားဟှာ သူ့ရဲ့နိုင်ငံတော်န ကြွလာတော်မူဇာဟှို ဗြင်ရဘဲန သေရဟှို့ မှုဟှ" ဆိုဘီး မိန့်တော်မူလေဟှယ်။