15 နေဒန်ဇာ ရော့-က်လာဟှူ ခီမာ တဗဲ့တော်လေဟှာ ကိုယ်တော်နားဟှို လာဘီး "အယ်နေရာဟှာ လူသူကင်းဝီးဟှူ နေရာဖြစ်ဘီး ခီလည်း နော့-က်က္လဟှားဘီ။ လူလေဟှို စေလွှတ်ဘီးဟှာ ဝါလေမာ စားဇာဝယ်ခိုင်းဟှို့တွပ် သွားခွမ့်ပေးပါ" ဆိုဘီး လျှော့-က်ဂေ့လေဟှယ်။
16 ယေရှုဟှ "သူးနို့လေ သွားဇာလိုဟှ။ အယ်သူလေစားဟှို့ စားဇာဟှို နန်းနို့လေ ကိုယ်တိုင် ပေးဂေ့ပါ!" ဆိုဘီး မိန့်တော်မူလေဟှယ်။
17 တဗဲ့တော်လေဟှ "မုငါးလောင်းန ငါးနှေ့ကောန်ဘဲ့ ကျွန်တော်ဟှားလေမာ ရှိပါဟှယ်" ဆိုဘီး ပ္လန်လျှော့-က်လေဟှယ်။
18 ယေရှုဟှ "အယ်မုန ငါးဟှို ယူလာပါ" ဆိုဘီး မိန့်တော်မူလေဟှယ်။ 19 ကိုယ်တော်ဟှ လူလေဟှို ဗြစ်ပ္လန်ထတ်မာ ထိုင်ဟှို့ မိန့်တော်မူဘီးန မုငါးလောင်းန ငါးနှေ့ကောန်ဟှို ယူဘီး ကောန်းဂန်ထတ်ဟှို မျှော်ကေ့ဘီးဟှာ ဘုရားသခင်ဟှို ကျေးဇူးတော် ချီးမွမ်းလေဟှယ်။ အယ်ဘီးမှ မုန ငါးဟှို ဖဲ့ဘီး တဗဲ့တော်လေဟှို ပေးလေဟှယ်။ တဗဲ့တော်လေဟှလည်း လူလေဟှို ပေးလေဟှယ်။ 20 လူလေဂူလောင်းဟှာ စားဘီး ဗိုက်ပ္လဲ့ဟှားဟှယ်။ အယ်ဘီးန တဗဲ့တော်လေဟှာ စားဘီး ကျန်ဇာလေဟှို စုသီးလိုက်ဇာ ဆယ့်နှေ့တောန်းပ္လဲ့ ရဂေ့ဟှယ်။ 21 မီးမန သားဂန်းဟှားလေပါဘဲန စားဂေ့ဟှူ ယော့-က်ကျား ရေတွပ်ဟှာ ၅,၀၀၀ လော့-က် ရှိလေဟှယ်။
/images/a/b347f3da-bc75-400b-e6b5-a5eca2abe600)
/images/a/b0caa2ee-a6c9-404a-6929-2f9860b7a900)